ରଜ ମଉଜ

ଆସିଗଲା ରଜ ମଉଜ

ଝିଅ ବୋହୁ ସବୁ ହେଲେଣି ସଜ

ଆସିଗଲା ରଜ ମଉଜ l

 ନୂଆ ଶାଢ଼ୀ ଚୁଡି ଅଳତା ଲଗାଇ

ବିଭିନ୍ନ ପ୍ରକାର ହୁଅନ୍ତି ସଜ

ତାସ ଲୁଡୋ ଆଉ ରଜ ଦୋଳିଖେଳ 

ପାନ ଖାଇ ଓଠ ରଂଗାନ୍ତି ଆଜ l

ପୋଡପିଠା ସାଙ୍ଗୁ ଆମ୍ବୁଲ ରାଇ ଟି

କରିବା କୁ ଏବେ ଲାଗୁଚି ଲାଜ

ମାଗି ଚଉମିନ ବିରିୟାନୀ ଖାଇ

ଏବେ ପିଲା ସବୁ ପାଳନ୍ତି ରଜ l

ପୃଥିବୀ ମାତା ଟି ରଜସ୍ୱଳା ହୋଇ

ଶସ୍ୟ ଉତ୍ପନ କୁ ହୁଅଇ ସଜ

କୃଷକ ମାନଙ୍କ ମନ ଟି ଆନନ୍ଦ

ରଜ ପାଳିବାକୁ ସେ ସଜବାଜ l ପୃଥିବୀ ବାସୀଙ୍କୁ ଆହାର ଯୋଗାନ୍ତି

ସେଥିପାଇଁ ସର୍ବେ ପାଳନ୍ତି ରଜ

ଏ ଓଡ଼ିଆ ଜାତି କେତେ ଯେ ଉନ୍ନତ

ଏପର୍ବ ରୁ ତୁମେ ଏତକ ବୁଝ l

ଏ ଭାଷା ଜ୍ଞାନ କୁ ନ ବୁଡ଼ାଅ ଭାଇ

ପର୍ବର ମହତ୍ୱ ଟିକିଏ ବୁଝ

ସାଧାରଣ ପର୍ବ ବୋଲିତ ନ ଭାବ

ବହୁ ତତ୍ତ୍ୱ ଅଛି ଧ୍ୟାନ ରେ ହେଜ l

ଆସିଗଲା ରଜ ମଉଜ

ଝିଅ ବୋହୁ ସବୁ ହେଲେଣି ସଜ ଆସି ଗଲା ରଜ ମଉଜ l