ରଜ ଲାଗେ ଫିକା ଫିକା
ରଜ ଲାଗେ ଫିକା ଫିକା
ରଜ ଲାଗେ ଫିକା ଫିକା ଲୋ ବଉଳ
ସଜ ଲାଗେ ଫିକା ଫିକା
ସଜାଇ କେମିତି ହେବି ମୁଁ କୁହତ
କରୋନା ଦେଉଛି ସଜା।
ସମୟ ଚକ୍ରରେ ମୌସୁମୀ ଆସିଛି
ଧରଣୀ ମା ରଜସ୍ବଳା
ପହିଲି ରଜର ବରଷାର ବାରି
ହସିବ ମୋ ବସୁନ୍ଧରା।
ରଜପିଠା ଖାଇ ପୋଡପିଠା କରି
କେମିତି ଖାଇବି କୁହ
ଆଖି ଆଗରେ ମୋ କରୋନାର କାଣ୍ଡ
ସମ୍ଭାଳି ହୁଏନା କୋହ।
କରୋନାର କାଣ୍ଡ କେତେ ଯେ ଅନାଥ
ଘର କା'ର ଯାଏ ଭାଙ୍ଗି
ଜୀବିକା ହରାଇ କେତେ ଲୁହ ଗଡେ
କେମିତି ଖେଳିବି ଦୋଳି।
ତାସ୍ ଖେଳିବାକୁ ମନାପରା ସଖୀ
ହେବାନି ଏକାଠି କେହି
କଟକଣା ମାନି ପାଳିବା ରଜକୁ
ମନଦୁଃଖ କରନାହିଁ।
ଆସ ସାଥି ମିଶି ପାଳିବା ରଜକୁ
ନିଜ ନିଜ ଘରେ ରହି
ସମସ୍ତଙ୍କ ପାଇଁ ପ୍ରାର୍ଥନା କରିବା
କରୋନା ଯାଉ ଦୂରେଇ।