ରିଭା ସୁନ୍ଦରୀ

ମୁହଁରେ ତୁମର ଖିଲି ଖିଲି ହସ 

ଝରି ପଡେ ଝର ଝର ।

ମୁକୁତା ସୁଦନ୍ତି ହସି ଦିଅ ଦେଖି

ପର ହୁଏ ଆପଣାର ।

ଶ୍ବେତପଦ୍ମ ପରି ମୁହଁ ଟି ତୁମର

ମୋ ରିଭା ବିଶ୍ବ ସୁନ୍ଦରୀ ।

ଇଂରାଜୀ ଭାଷାରେ ପ୍ରବୀଣା ଏ ଦିନୁ

କିଏ ହେବେ ନାହିଁ ସରି ।

ଚଞ୍ଚଳ ଶିଶୁସୁଲଭ ଗୁଣବତୀ

କ୍ଷଣକରେ ଦିଅ କିଣି ।

ଦେଖି ଦେଲେ ଦୂରୁ ଆଇ ବୋଲି କହି 

ଖୁସିରେ ଆସ ଗୋ ମାଡି ।

ମାମା ପାପା ଆଇ ମାଉସୀଙ୍କ ସହ

ଖୋଜି ନିଅ ସ୍ନେହେ ଅଜା ।

ଭୋକ କଲେ ଅଜା, ଶୋଷ କଲେ ଅଜା 

ଆଈ ସଙ୍ଗେ କର ମଜା ।

ଅତି ଅଲିଅଳି ମାଆ ବାପା ଗେହ୍ଲି

ଆମର ରିଭା ସୁନ୍ଦରୀ ।

ଜେଜେ ଙ୍କର ସିଏ ନୟନ ପିତୁଳା 

ଜେଜେ ମା ଙ୍କର ପରୀ ।

ଝିଅତ ନଥିଲା ଆମ ଭାଗ୍ୟ ରେ ଲୋ 

ଭଗବାନ ଦେଲେ ଦାନ ।

କୋଳେଇ ନିଅନ୍ତି ସରଧାରେ ଆସି 

ଜେଜେ ମା ରଙ୍କୁଣୀ ଧନ ।

ମାମା କୁହେ ମୋର ଆଇ କୁହେ ମୋର 

ସେ କୁହନ୍ତି ମୁଁ ପାପା ର ।

ହସି ହସି ସିଏ ସଭିଙ୍କୁ ହସାନ୍ତି

କାନ୍ଦରେ ଧନୀ ଅପାର ।

ରାଗି ଗଲେ ସିଏ କାହାରି ତ ନୁହେଁ 

ଅଜାକୁ ଗୁହାରି ହୁଏ ।

ଆହେ ମହେଶ୍ୱର ରିଭା ସୁନ୍ଦରୀ ର

କୋଟିଏ ଆୟୁଷ କର ।

ଭଲ ପାଠ ଦିଅ ନିରୋଗ କରାଅ 

ଆୟୁଷ ଅଧିକ ଦିଅ ।

ହସି କି ହସାଉ ଖୁସିରେ ସେ ଥାଉ

ଶୁଭ ଆଶିଷ ବର୍ଷାଅ ।