ରେଳଗାଡି

ଛୁକ ଛୁକ ଛୁକ ରେଳଗାଡିଟି

ଯାଉତ ଅଛି ଗଡି

ମଝିରେ ମଝିରେ ହର୍ଣ୍ଣ ବଜାଇ

ଦେଉତ ଅଛି ରଡି ।

ଶୀତ ରାତିରେ ରାତି ଅଧରେ

କରୁତ ଅଛି ଯାତ୍ରା

ଗର୍ଭେ ତାହାର ସହସ୍ର ଯାତ୍ରୀ

ସଭିଙ୍କ ତାଠି ଚିନ୍ତା ।

ଗେରୁଆ ବାବା ଦୁଇଟି ବସି

ଢୁଳଉଛନ୍ତି ମଜାରେ

ବବ କଟା ସ୍ତ୍ରୀ ଲୋକଟି

କେତେ ଫୁଟାଣି ମାରେ ।

ଆମ୍ବ କଷିଆ ଅଦା ମିଶାଇ

ଚଣା ବାଲାଟି ରଡି ଛାଡେ

ଟି. ଟି. ଆଇ ବୁଢା

ଚଷମା ଭିତରୁ ଲୋକଙ୍କୁ ଉଙ୍କି ମାରେ ।

ଥକା ମନ ଚାଲ ଯିବା କହି

ମାଗଇ ଅନ୍ଧ ଭିକ୍ଷା

ପଛେ ତାହାର ଅନ୍ଧୁଣୀ ବୁଢୀ

ଜଣେ ଜଣକୁ ସାହା । 

ଷ୍ଟେସନ ବାଲା ମାଇକ ବଜାଇ

କୁହନ୍ତି ଗାଡି ଅଛିତ ଡେରୀ

ପାସେଞ୍ଜର ଅଣ୍ଟା ସଳଖି

ବସିବା ବେଳେ ଗାଡି ଆସଇ ମାଡି   ।

କିଏ କାହାର ସିଟ୍ ନଛାଡି

କରଇ ପୁଣି ଝଗଡା

ଜିନ ପିନ୍ଧା ପୁଅଟି

ମୋବାଇଲ ଧରି ଚାଟିଂ କରଇ ପରା  ।

ଯାତ୍ରୀ ଗୋଟିକୁ ଲକ୍ଷ୍ୟ ଗୋଟିଏ

ନାହିଁ ତ କାହାର ମେଳ

ସଭିଙ୍କୁ ଖୁସି କରିବ ବୋଲି

ଧାଏଁ ତ ଗାଡି ରେଳ  ।