ପ୍ରେମ ଉପହାର
ପ୍ରେମ ଉପହାର
ପ୍ରେମର ସେ ସୁନ୍ଦର ଦିନ
ଯୌବନର ଖୁସି ରାତି,
ବିଚ୍ଛେଦରେ ଆସେ ନଜର
ସବୁ ଏହି ସ୍ଵପ୍ନର ସାଥି ।
ନଥିଲା ଗନ୍ଧ ନିଃସଙ୍ଗତାର ଏଠି
ମେଖଳା ଚାଲିଥିଲା ପ୍ରେମର,
ହୃଦୟ ଦୁଃଖରେ କାନ୍ଦୁ ତ ନଥିଲା
କଟୁଥିଲା ରଜନୀ ଜ୍ୟୋସ୍ନାର ।
ଭିଜା ବୈଶାଖରେ ଥିଲ ପଲ୍ଲବିତ
ରଙ୍ଗୀନ କୃଷ୍ଣଚୂଡାରେ,
ଆଜି ଝରିପଡେ ବେସୁରା ରାଗିଣୀ
ତୁମ ଶୁଖିଲା ଶ୍ରାବଣରେ ।
ବର୍ଷା ଆଉ ବାଦଲ ପରି
ଥିଲା ସେ ସ୍ନେହର ରଙ୍ଗ,
ଭରା ଫଗୁଣ ଫିକା ଲାଗୁଥିଲା
ଦେଖି ତୁମ ରୂପ ଲାବଣ୍ୟ ।
ଓଠ ମୋର ଶୁଖିଯାଏ ପୁଣି
ତୁମ ବିରହ ବେଦନାରେ,
କେତେ ଲୁହ କେତେ ଆହା
ମିଳେ ଆଜି ତୁମ ପ୍ରେମ ଉପହାରେ ।
ରାତି କାଟିବ ବୋଲି
ମୋ ବାହୁରେ
ଆସିଥିଲ ଅଭାଗିନୀ,
ହେଲେ ଅଭାବ
ଅନଟନ ଛଡା
ତୁମକୁ କିଛି ଦେଇ ପାରିଲିନି ।
ସପନ ଦେଖିବ ବୋଲି
ନିଦ ରାଣୀ ସାଥେ ମିଶି
ଦେଇଥିଲ ତୁମେ ମନ,
ହୃଦୟକୁ ତୁମ
ଭାଙ୍ଗି ଦେଲି ସିନା
ଖୁସି କରିଲିନି ଗୋଟେ ଦିନ ।
ତୁମ ହାତ ଧରି ଚାଲିବି ବୋଲି
ଦେଇଥିଲି କେତେ କଥା,
ଏକୁଟିଆ କରି ରଖି
ଦେଲି ସିନା
ବୁଝି ପାରିଲିନି ତୁମ
ମନବ୍ୟଥା ।
ତୁମେ ଢାଳି ଦେଲ କେତେ
ସେନେହ ପରଶ
କେତେ ମମତାର କଳସୀ,
ମୁଁ କିଛି ତୁମକୁ
ଦେଇ ପାରିଲିନି
ନେଇ ଗଲି ସବୁ କିଛି ।
ପୂନେଇ ଜହ୍ନ ସଜାଇ
ମୋତେ
ତୁମେ କରି ଦେଲ ଧନବାନ,
ସବୁ ଲୁଟି ନେଲି
ନଦେଇ କିଛି
କରି ତୁମକୁ
ହିନୀମାନ ।