ମାମୁଁ ଘରେ ନୀରବତା

କାହିଁଗଲା ସେ ବାଲ୍ୟ ଚପଳତା

କାହିଁଗଲା ଓଡିଆ ଭାଷାର ଭିନ୍ନତା,

ଛୁଆଙ୍କ କିଚିର ମିଚିରି ଯାଇଛି ହଜି

ଭରିଯାଇଛି ମାମୁଁ ଘରେ ନୀରବତା ।

ଅଗଣା ଆମର ଆଜି ଖାଲି ପଡିଛି

ନାହିଁ ଅଜା ଆଈ ଭଣଜା ଭାଣିଜୀ,

ଫେରିବନି ଆଉ ସେ ଗହଳି ଚହଳି

 କେବେ ପିଲାଙ୍କ କାନ୍ଦ ବୋବାଳି ।

ଝୁରୁଛି ଅଗଣା ଝୁରୁଛି ଦଉଡି ଖଟ

ଝୁରୁଛି ମାମୁଁ ଘର ଝରକା କବାଟ,

ଫେରିଆସ ଫେରିଆସ କୋଳକୁ ମୋର

କୋହଭରି ଡାକେ ଆମ ଦଦରା ଘର ।

ସେକାଳ ପଖାଳ ଗଲାଣି ଚାଲି

ସବୁ ବାଳୁତ ଆଜି ଯୁବା ହେଲେଣି,

ଇତିହାସ ହୋଇଗଲା ଦଉଡି ଖଟ

ଖପର ଘର ଆଉ ହରି ର ଚାଟ ।

ଘରେ ଆଜି ଖେଳନ୍ତି ବାନର ଛୁଆ

ବେଙ୍ଗ,ମୂଷା ଆଉ ଚ ଢ଼େଇ କୁଆ

ଅନ୍ଧକାର ଆଉ ନୀରବତା ସାଥେ

ଶୁଭୁନି କାହାରି ମଧୁର ରାହା ।