ଅବସର ଭାବନା
ଅବସର ଭାବନା
ସାଥେ ବିତିଥିବା ପ୍ରତିଟି ମୂହୁର୍ତ ହେଉ ସଦା ସ୍ମରଣୀୟ,
ଯେ ସମୟ କଟିଛି ସାଥେ ବିତିଯାଉ ହୋଇ ବନ୍ଦନୀୟ ।
ପ୍ରତିଟି ସ୍ମୃତିକୁ ତବ ରଖିବି ସାଇତି ମୁହିଁ ଜୀବନ ସାରା,
ତୁମକୁ ସ୍ମରଣ କରିବା ମାତ୍ରକେ ବୋହିଯିବ ଅଶ୍ରୁଧାରା ।
ଅଜାଣତେ ଯଦି କରିଥିବି ମୁହିଁ କିଛି ଦୋଷ କିଛି ତ୍ରୁଟି,
କ୍ଷମା କରିଦେବ ବୋଲି କରୁଅଛି ବାରେ ମୁହିଁ ମିନତୀ ।
ହୃଦୟରୁ ଭୁଲି ସବୁ ଆବିଳତା କରିଦେବ ମୋତେ କ୍ଷମା,
ମନ ମନ୍ଦିରୁ କେବେ ହେଲେ ଫୋପାଡି ଦେବନି ଜମା ।
ଆପଣ ଥିଲେ ମୋ ପାଇଁ ସଦା ମଧୁର ବାଣୀ ର ଅଧିକାରୀ,
ସର୍ବଦା ବୋହି ପଡୁଥିଲା ମୁଖରୁ ହସ ଆଉ ଖୁସିର ଲହରୀ ।
ଜୀବନେ କେବେହେଲେ କରିବେନି ମୋ ପାଇଁ ଅଣଦେଖା,
ମୋତେ ସଦା ରଖିଥିବେ ହୃଦୟେ ଆହେ ଭାଇ ସମ ସଖା ।
ଆଜିର ଦିନରେ କରୁଅଛି ମୁହିଁ ଶୁଭ କାମନା ତୁମରି ,
ହସ ଖୁସି ସାଥିରେ ସୁଖ ଶାନ୍ତି ସର୍ବଦା ରହିଥାଉ ଜାରୀ ।
କୈାଣସି ଦୁଃଖ ଅବା ବିଶାଦ ନଛୁଉଁ ତୁମରି ତନୁକୁ,
ଜୀବନ ତବ ସଜ ଫୁଲ ପରି ସଦା ଖେଳି ମହକୁ ।
ତବ ଚରଣରେ ଲୋଟି ପଡୁଥାଉ ହସ ଖୁସି ଉଲ୍ଲାସ,
ଜୀବନ ସାରା ଲାଗି ରହିଥାଉ ସୁଖ ଶାନ୍ତି ର ପ୍ରଶ୍ୱାସ ।
ରାଜ କାର୍ଯ୍ୟରୁ ନେଉଛନ୍ତି ସିନା ଆଜି ସଦା ଅବସର,
ହୃଦୟରୁ କିନ୍ତୁ କେବେ କରିବେନି ମୋତେ ଅନାଦର ।
ନିତ୍ୟ ପ୍ରତିଦିନ ଦେଖୁଥିବି ରାହା ଆହେ ବିଦାୟୀ କମିଶନର,
ଯେବେ ଇଛା ହେବ ମିଶିବାକୁ ସାଥେ ଧାଇଁ ଆସିବ ସତ୍ୱର ।