ରଦ୍ଦି ସଂଗ୍ରହକାରୀ
ରଦ୍ଦି ସଂଗ୍ରହକାରୀ
ଯେଉଁ ସବୁ ଜିନିଷର
କରି ବ୍ୟବହାର
ଏଣେତେଣେ ଫୋପଡାଇ
ଦେଉ କୁଢ କୁଢ ॥
ସ୍ଥାନ ମାନ ହୋଇ ଯାଏ
ଯା ଯୋଗୁ ଅସନା
ବହୁ ବିଧ ହାନୀକର
ଦୁର୍ଗନ୍ଧ ବାସନା ॥
ତହିଁରୁ ବାହାରି ନିତି
ମିଶେ ପରିବେଶେ
ଏହା ଲାଗି ଅଛି ଏବେ
ସବୁ ଧନୀ ଦେଶେ ॥
ଏଥି ପ୍ରତି କେହି କେବେ
ମନରେ ସୁଚିନ୍ତା
ନ କରେ କେବେ ହେଁ
ସଚେତନ ବାର୍ତ୍ତା ॥
ବୈଜ୍ଞାନିକେ ଖାଲି ସଦା
କରୁଥାନ୍ତି ଦାନ
ପରିବେଶ ପାଇଁ ଯାହା
କ୍ଷତ ଉପାଦାନ ॥
ପୁନଃ ଚକ୍ରଣ ଉପାୟେ
ତହିଁରୁ ନୂତନ
ଜିନିଷ ତିଆରି କରି
କ୍ଷତିର ପୂରଣ ॥
ଉପାୟ ତ ଆବିଷ୍କାର
କରିଛି ବିଜ୍ଞାନ
ହେଲେ ବି ସମାଜେ କେହି
ସେଥି ପ୍ରତି ଧ୍ୟାନ ॥
ନ ଦିଅନ୍ତି କେହି କେବେ
ହେଲେ କଦାଚନ
ଜରି ପଲିଥିନି ପ୍ରଦୂ-
ଷଣର କାରଣ ॥
ଶିଶୁ ଆଉ ସ୍ତିରୀ ଲୋକେ
ଜରି ଓ ପ୍ଲାଷ୍ଟିକ
ପରି ପରିବେଶର ଯେ
ହାନୀର କାରକ ॥
ଉପାଦାନ ମାନ ଏଣେ
ତେଣେ ବୁଲି ବୁଲି
ଅବା ଅଳିଆ ଗଦାକୁ
ଯାଇ ବାଛି ବାଛି ॥
ସଂଗ୍ରହ କରି ନେଇଣ
ସାଇତି ରଖନ୍ତି
ପରେ କାବୁଲି ଗୋଦାମେ
ନେଇ ତା ବିକନ୍ତି ॥
ଏସନ ଉପାୟେ ଯେଉଁ
ମାନେ ଚଳୁଛନ୍ତି
ରଦି ସଂଗ୍ରାହକ ବୋଲି
ସେମାନଙ୍କୁ କହି
ଜୀବନ ଜୀବିକା ତାଙ୍କ
ଅଟେ ଏହି ପରି ॥
ଘର ପରିବାର କାର
କିଛି ହିଁ ନଥାଏ
ଜରି ପଲିଥିନ ଟାଣି
ସେ ରାତି ବିତାଏ ॥
ଆବର୍ଜନା ଭରା ସ୍ଥାନେ
ବସତି ନିର୍ମାଣି
ଦୁଃଖେ ସୁଖେ ଚଳୁ ଥାନ୍ତି
ଦୁଇ ତିନିଁ ପ୍ରାଣୀ ॥
ଶିକ୍ଷା ‐ଆଲୋକ ରୁ ସେହୁ
ଥାଆନ୍ତି ଦୂରାଇ
ଦୁଃଖ ଓ କାରୁଣ୍ୟ ଭରା
ତାହାଙ୍କ କାହାଣୀ ॥
ଦାରିଦ୍ର୍ୟ ଜର୍ଜର ଜନେ
ଏସନ ଉପାୟେ
ଚଳୁଥାନ୍ତି ରହି ତଳି
ସହର ବସ୍ତିରେ ॥