ରାକ୍ଷୀ ରହିଅଛି ସାକ୍ଷୀ
ରାକ୍ଷୀ ରହିଅଛି ସାକ୍ଷୀ
ଶ୍ରାବଣ ମାସର ଶୁକ୍ଳ ଦଶମୀରୁ
ହସି ଉଠିଲାଣି ଜହ୍ନ
ସାତଦିନ ବ୍ଯାପୀ ରାଧାକୃଷ୍ଣଙ୍କର
ଚାଲିବ ପର୍ବ ଝୁଲଣ ।
ପବିତ୍ର ଶ୍ରାବଣ ଗହ୍ମା ପୂନେଇରେ
ଗାଈଗୋରୁ ବନ୍ଦାପନା
ପ୍ରଭୁ ବଳରାମ ଜୟନ୍ତୀ ଉତ୍ସବ
ଉପବୀତ ମାରଜନା ।
ପିଠାପଣା ମିଠା ପୂଜା ଅର୍ଘ୍ଯ ଥାଳୀ
ଚନ୍ଦନ ଅକ୍ଷତ ଦୂବ
ସଜାଇ ଭଉଣୀ ଶ୍ରଦ୍ଧା ସୁବିଶ୍ବାସେ
ହୁଏ ଖୁସି ଗଦଗଦ ।
ପିନ୍ଧାଇ ଦିଏ ସେ ଭାଇଙ୍କ ହସ୍ତରେ
ରେଶମୀ ରକ୍ଷା କବଚ
ସ୍ନେହ ସୋହାଗରେ ଉଠଇ ମହକି
ଜୀବନରେ ସୁସମ୍ପର୍କ ।
ଉଜ୍ଜୀବିତ ସଦା ଆମ ସୁସଂସ୍କାର
ରାକ୍ଷୀ ରହିଅଛି ସାକ୍ଷୀ
ଭଉଣୀ ପଡିଲେ ଆପଦ ବିପଦେ
ଭାଇ ଦେବ ଛାତି ପାତି ।