ରାଜା ଥାଇ ପ୍ରଜା ରାଜ୍ୟ ଯେ ଛାଡ଼ନ୍ତି
ରାଜା ଥାଇ ପ୍ରଜା ରାଜ୍ୟ ଯେ ଛାଡ଼ନ୍ତି
ଧିକ ସେହି ରାଜା ଧିକ ସେ ଶାସନ
ପ୍ରଜା ଛାଡ଼ନ୍ତି ଯେ ରାଜ୍ୟ l
ଦୁଇ ଦିନେ ଏଠି ପ୍ରଜା ତ ଛାଡ଼ନ୍ତି
ସୁନ୍ଦର ତୁମର ରାଜ୍ୟ ll
ମନ୍ତ୍ରୀଙ୍କର ତୁମ ନୂତନ ନିୟମ
ସମ୍ବିଧାନ ଠାରୁ ବଳି l
ମାନବାଧିକାର ନିୟମ ସବୁ ତ
ଯାଏ ତୁମ ପାଖେ ଟଳି ll
ମନ୍ତ୍ରୀ ତ ତୁମର ଭାରି ଯେ ଚତୁର
ଦେଖାନ୍ତିନି ନିଜ ଦୋଷ l
ପ୍ରଜା ଯଦି ସତେ ଛିଙ୍କି ଦେଲା କିଏ
ଛାଡିବ ନିଶ୍ଚେ ଉଆସ ll
ମୁଁ ମନେ ଭାବୁଛି ରାଜା ନିଶ୍ଚେ ଭାଇ
ହେଉଥିବେ ମନେ ଭାବି l
ସୁନ୍ଦର ରାଇଜ ଅଟଇ ମୋହର
ନଯିବା କଥା କେବେ ବି ll
ରାଜା ତ ଆମର ଶିଖିତ ନାହାନ୍ତି
ବିଚାର ନିଜେ କରିବା l
ମନ୍ତ୍ରୀଙ୍କ କଥାରେ ରାଜା ଯେ ନାଚନ୍ତି
ଧିକ ତାଙ୍କ ରାଜା ହେବା ll
ମନ୍ତ୍ରୀଙ୍କ ପାଖରେ ନାହିଁ ସମାନତା
କହେ ସରଳ ଯେ କଥା l
ତା ପାଇଁ ନିୟମ ହୁଅଇ ନୂତନ
ଧିକ ସେ ରାଜାଙ୍କ ମଥା ll
ମନ୍ତ୍ରୀଙ୍କ କଥାରେ ରାଜା ତ ଆମର
ଦିଅନ୍ତି ନିଜେ ସ୍ଵାକ୍ଷର l
କେମିତି ନିୟମ ବୁଝା ପଡୁନାହିଁ
ଧିକ ଶାସନ ତୁମର ll
ପାତର ଅନ୍ତର ଅଛି ପାଖେ ଯାର
ନୁହେଁ ଶ୍ରେଷ୍ଠ ସିଏ ରାଜା l
ପ୍ରଜା ଆନ୍ଦୋଳନ ନିଶ୍ଚୟ ଘଟିବ
ସୁଧୁରି ଯାଅ ହେ ରାଜା ll
ଧିକ ସିଂହାସନେ ବସିଛ ହେ ରାଜା
ଧିକ ବ୍ୟବସ୍ଥା ତୁମର l
ଶାସନର ଜ୍ଞାନ ପଢ଼ ଟିକେ ତୁମେ
ଲୋଡ଼ା ଜ୍ଞାନ ଶୃଙ୍ଖଳାର ll
ରାଜା ହୋଇ ଯଦି ନ ଦେଇ ପାରିବ
ସମ ନ୍ୟାୟ ଯେ ପ୍ରଜାଙ୍କୁ
ରାଜ ସିଂହାସନେ ବସିଛ କାହିଁକି
ଲାଜ ଲାଗୁନି ତୁମକୁ ll
ରାଜା ହେବା ଏତେ ସହଜ ନୁହଇଁ
ଶୁଣ ତୁମେ ଅନ୍ଧ ରାଜା l
ସମ ନ୍ୟାୟ ଦେବା ଶିଖ ହେ ରାଜନ
ତା ପରେ ହୋଇବ ରାଜା ll