ରାଈ ଦାମୋଦର

ତନୁ ଶ୍ୟାମଘନ' ଦେବକୀ ନନ୍ଦନ'

     ଯଶୋଦାଙ୍କ ପ୍ରାଣ ଧନ

ଗୋପେ ଗୋପଧନ ଗୋପୀଙ୍କ ପରାଣ

     ରାଧାଙ୍କ ଜୀବ ଜୀବନ ।

ଧନ୍ୟ ସେ ଯମୁନା ଧନ୍ୟ ଗୋପାଙ୍ଗନା

     ଧନ୍ୟ ସେ କଦମ୍ବ ବାସ

ମୟୁର ଚୁଳିଆ କଦମ୍ବ ମୂଳିଆ

    କରୁଥିଲେ କେଳି ରାସ ।

ରାସ କୁଞ୍ଜ ଶୋଭା ଅତି ମନଲୋଭା

    ଗୋପାଙ୍ଗନା ସମା ହାର

ଯୁଗଳ ମୂରତି ଅପରୂପ କାନ୍ତି

    ଉଭା ରାଇଦାମୋ ଦର ।

ହସ୍ତରେ ବଇଁଶୀ ସ୍ମିତ ହସି ହସି

    ତ୍ରିଭଙ୍ଗୀ ଠାଣିରେ ଉଭା

ସଙ୍ଗେ ରାଧାରାଣୀ ପ୍ରୀତି ଭିକାରୁଣୀ

    ଅପରୂପ ମନ"ଲୋଭା ।

ବଜାଏ ବଇଁଶୀ ଗୋପି ହୃଦ ଦଂଶି

    ଲଜ୍ଜ୍ୟା ସଂକୋଚକୁ ତେଜି

ପ୍ରେମ ପାଗଳିନୀ ଗୋପ ଗୋପାଳୁଣୀ

    ପ୍ରେମେ ଯାଉଥିଲେ ମଜ୍ଜି ।

ରାସ ରଙ୍ଗ ଧୂଳି ସର୍ବାଙ୍ଗରେ ବୋଳି

    ଭକ୍ତିଭରେ କୋଳା କୋଳି

ସେହି ଭକ୍ତି ଭର  ରାଇଦାମୋଦର

    ଯୁଗଳ ଚରଣେ ଅଳି ।