ରାଇ ଦାମୋଦର
ରାଇ ଦାମୋଦର
ବାର ମାସ ମଧ୍ୟେ କାର୍ତ୍ତିକଟି ସାର
ଧରମ ମାସରେ ଗଣା
କାର୍ତ୍ତିକ ମାସର ଶେଷ ପାଞ୍ଚ ଦିନ
ପଞ୍ଚୁକ ଭାବରେ ଜଣା !
ସକାଳ ସାହାନ ଆଳତୀ ଦର୍ଶନ
ବଜାଇ ଘଣ୍ଟି ମନ୍ଦିରେ
ମହା କାର୍ତ୍ତିକରେ ପୂଣ୍ୟ ଅରଜି
ମହା ଆନନ୍ଦ ମନରେ !
ବଡ଼ ରସିକିଆ କାହ୍ନୁ ଦଗାଦିଆ
ରାଧିକା ସାଥିରେ ମିଳି
ରାସ କରିଥାଇ କୁଞ୍ଜ ବନେ ଥାଇ
ଗୋପୀଏ କରନ୍ତି କେଳି !
ଆହା କି ସୁନ୍ଦର ରାଇ ଦାମୋଦର
ଅପୂର୍ଵ ସୁନ୍ଦର ବେଶ
ସେ ରୂପ ଦର୍ଶନ ବଇଁଶୀ ମୋହନ
ମନରେ ଆସେ ସନ୍ତୋଷ !
ରାଇ ଅଟେ ମାଇଁ ଭଣଜା କହ୍ନେଇ
ତଥାପି ଶାଶ୍ୱତ ପ୍ରେମ
ସେ ପ୍ରେମ ତରଙ୍ଗ ଭଵ ଭୂମି ରଙ୍ଗ
ସବୁ ଦିଶେ ଅଭିନଵ !
ତୁଳସୀ ମୂଳରେ ପଞ୍ଚୁକ ବେଳାରେ
ତୁଳସୀ ସାନିଧ୍ୟ ଲଭି
ରାଇ ଦାମୋଦର ଭଜି ଯାଉ ଦିନ
ଅନ୍ତରେ ତୁମକୁ ଭାବି !