ରାଧା ଦାମୋଦର ବେଶ
ରାଧା ଦାମୋଦର ବେଶ
ହବିଷ୍ୟାଳି ଦଳ କରନ୍ତି ଗହଳ
ଶ୍ରୀକ୍ଷେତ୍ରେ ଚଳ ଚଞ୍ଚଳ
ପୁଣ୍ଯ କର୍ତ୍ତିକରେ ନରେନ୍ଦ୍ରର ଜଳରେ
ପବିତ୍ର ବୁଡ ର ବେଳ ।
ମାସ ସାରା ପୁଣି ଅବଢା ସେବନ
ପବିତ ପୁରାଣ ପାଠ
ଅଲୋଡା ବାର୍ଦ୍ଧକ୍ଯେ ମୋକ୍ଷ ହରିନାମ
ଜୀବ ଯିବାକୁ ବୈକୁଣ୍ଠ ।
ଶିତୁଆ ସକାଳ ସଅଳ ସଅଳ
ତୁଳସୀ ଚଉଁରା ପୂଜା
ଦୀପ ଦାନ କରି ଅରୁଣ ସ୍ତମ୍ଭରେ
ଦେଖିବ କାଳିଆ ରଜା ।
ହେଜିଛି ମରମ ପୂଜିବ ପରମ
କାର୍ତ୍ତିକ ଧରମ ମାସ
ଦେଖିବ ମନ୍ଦିରେ ଦାରୁ ଦେବତାର
ରାଧା ଦାମୋଦର ବେଶ।