ପୂର୍ଣ୍ଣ ହେଉ ସଙ୍କଳ୍ପନା

ସରଗପୁରରେ ଗାନ୍ଧୀ ଗୋପବନ୍ଧୁ

ଅମଳିନ ତାଙ୍କ ସ୍ମୃତି

ତାଙ୍କ ଉପଦେଶ ବଚନ ମହତ

ଗ୍ରହଣୀୟ ମଧ୍ୟ ଆଜି ।

କାଟିକି ପିନ୍ଧିବା କୁଟିକି ଖାଇବା

ହୋଇବା ଆତ୍ମନିର୍ଭର

ବିଦେଶୀ ଦରବ କରିବା ବର୍ଜନ

ସ୍ୱଦେଶୀକୁ ବ୍ୟବହାର ।

ସତ୍ୟ ଅହିଂସାକୁ କରି ଅଙ୍ଗୀଭୂତ

ଘୋଷିବା ଜୀବନ ମନ୍ତ୍ର

ଆମେ ଭାରତୀୟ ନାହିଁ ଭେଦଭାବ

ସମ ଜାତି ଧର୍ମ ବର୍ଣ୍ଣ ।

ସରଳ ଜୀବନ କରିବା ଯାପନ

କରିବା ମହାନ ଚିନ୍ତା

ରଖିବାନି ଭୋକ ଉପାସେ କାହାକୁ

ବୁଝିବା ମନର ବ୍ୟଥା ।

ଶିକ୍ଷା ସ୍ୱ।ସ୍ଥ୍ୟ ସେବା କରିବା ନିଶୁଳ୍କ

ଜ୍ଞାନଦୀପ ଦେବା ଜାଳି

ଦୂର ହେବ ଦୁଖଃ ଅଜ୍ଞାନ ତିମିର

ହସିବ ଆସନ୍ତା କାଲି ।

ରହିଅଛି ବାକି ଲକ୍ଷ୍ୟ ବହୁ ଦୂର

ଅନିଶ୍ଚିତ ବର୍ତ୍ତମାନ

ବଢୁଛି ବେକାରୀ ନାହିଁ ରୋଜଗାର

ଅଶାନ୍ତ ଗ୍ରାମ୍ୟ ଜୀବନ ।

ନାହିଁ ସୁବିଶ୍ୱ।ସ ଭାବ ସ୍ନେହପ୍ରେମ

ବୈକୁଣ୍ଠ ସମାନ ଘର

ବ୍ୟାପେ ଲାଞ୍ଚମିଛ ଅନ୍ୟାୟ ଅନୀତି

ଦୁରାଚାର ବ୍ୟଭିଚାର ।

ଜୀବନର ମାନ ଗୁଣ ମୂଲ୍ୟବୋଧ

ହୁଏ ଦ୍ରୁତ ଅବକ୍ଷୟ

ପରମୁଖାପେକ୍ଷୀ ପ୍ରତିଟି ମାନବ

ଯନ୍ତ୍ର ଦାସ କି°କର୍ତ୍ତବ୍ୟ ।

ଆସ ଅବତରୀ ହେ ମହାପୁରୁଷ

ସଞ୍ଚାର ଦିବ୍ୟ ଭାବନା

ହେଉ ବିଶ୍ୱଗୁରୁ ମହାନ ଭାରତ

ପୂର୍ଣ୍ଣ ହେଉ ସଙ୍କଳ୍ପନା ।

  -----