ପୁସ୍ତକର କାଲି ଓ ଆଜି

ସ୍ମୃତି ଥିଲ ତୁମେ ସାଧନା କଠୋର

ଅନୁପମ ଦିବ୍ୟ ଜ୍ଞାନ

ପୋଥି ହୋଇ ତୁମେ ସୃଜିଲ ପାଣ୍ଡିତ୍ୟ

ବିଦ୍ୟା ଧୂରୀଣ ବ୍ରାହ୍ମଣ ।

ପୁସ୍ତକ ରୂପରେ ବିସ୍ତରିଲ କାୟା

ସୁଲଭ ସରଳ ଜ୍ଞାନ

ହେଲା ବୋଧଗମ୍ୟ ବେଦ ବୁଦ୍ଧି ବିଦ୍ୟା

ଟୀକା ଗ୍ରନ୍ଥ ବ୍ୟାକରଣ ।

ଅତି ଆଧୁନିକ ଯୁଗରେ ତୁମର

ବଦଳିଛି କାୟାକଳ୍ପ

ଅଙ୍ଗୁଳି ଅଗ୍ରର ଚାଳନା ମାତ୍ରକେ

ହୋଇଯାଏ ଜ୍ଞାନ ପ୍ରାପ୍ତ ।

ଜ୍ଞାନ ବ୍ୟାପକତା ଉନ୍ମୁକ୍ତ ପ୍ରକାଶ

ସମସ୍ୟା ବା ସମାଧାନ

ହୁଏ ନାହିଁ ବୁଝି କେତେ ହାନି ଲାଭ

ଅବକ୍ଷୟ ହୁଏ ଗୁଣ ।

ବିଦ୍ୟା ବଦଳରେ ଅବିଦ୍ୟା ର ହୁଏ

ଅଧିକ ଅପପ୍ରୟୋଗ

ଯନ୍ତ୍ର ତୁଲ୍ୟ ନର ଅନ୍ତଃସାର ଶୂନ୍ୟ

ଅଭାବ ସ୍ନେହ ସୋହାଗ ।

ବଢି ବଢି ଯାଏ ହିଂସା ଇର୍ଷା ଦ୍ୱେଷ

ମିଥ୍ୟା ମାୟା ଅହଙ୍କାର

ତୁଟି ଯାଉଅଛି ମନର ବିଶ୍ୱାସ

ଅସ୍ଥିର ଜ୍ଞାନ ଈଶ୍ୱର ।

ପୁସ୍ତକ ଦିବସେ ହେଉ ସୁଚିନ୍ତନ

ସମୁଜ୍ଜ୍ୱଳ ହେଉ ସ୍ମୃତି

ମୂଳ ଲକ୍ଷ୍ୟ ଠାରୁ ଦୂରେଇ ନ ଯାଉ

 ପାଠ୍ୟ ପୁସ୍ତକ ପଦ୍ଧତି ।