ନାରୀ ନାରାୟଣୀ
ନାରୀ ନାରାୟଣୀ


ହାସ୍ୟମୟି ଲାସ୍ୟମୟି
ମମତାର ରାଣୀ ,
ସ୍ନେହ କାଙ୍ଗାଳିନୀ କେବେ
ନାରୀ ନାରାୟଣୀ ।
ବାତ୍ସଲ୍ଯର ବାଈ କୋଠି
ପ୍ରେମେ ବୈତରଣୀ ,
ଜନନୀ ଭଗିନୀ ଜାୟା
ନାରୀ ନାରାୟଣୀ ।
ଦୁର୍ଗତିନାଶିନୀ ଦୁର୍ଗା
ସଙ୍କଟେ ତାରିଣୀ ,
ମହାକାଳୀ ମହାଲକ୍ଷ୍ମୀ
ନାରୀ ନାରାୟଣୀ ।
ସଂଜ ହେଲେ ଜାଳେ ସଂଜ
ଟାଣି ତା' ଓଢ଼ଣୀ ,
ସଜାଡ଼େ
ସଂସାର ସାଜି
ନାରୀ ନାରାୟଣୀ ।
ମଙ୍ଗଳ ମନାସି ଡାକେ
ମଙ୍ଗଳାଙ୍କୁ ପୁଣି ,
ମନ୍ଦାଚାରେ ମନ୍ଦାକିନୀ
ସାଜେ ନାରାୟଣୀ ।
ସତୀ ନାରୀ ସତ୍ୟ ପାଇଁ
ସାଜେ କଳଙ୍କିନୀ ,
ଅସତ୍ୟ ଅସହ୍ୟ ହେଲେ
ନାରୀ ନାରାୟଣୀ ।
ମାଗେ ନାହିଁ ପୂଜ୍ୟା ପୂଜା
ସାଜେ ପୂଜାରିଣୀ ,
ଦୟା କ୍ଷମା ଚିରନ୍ତନୀ
ନାରୀ ନାରାୟଣୀ ।