ଲାଇବ୍ରେରୀ
ପ୍ରୋଫାଇଲ୍
ମନ ବୃନ୍ଦାବନ
ମନ ବୃନ୍ଦାବନ
1 min
204
ଅନେକ ଭିତରେ ଏକକ ଭାବକୁ
ଖୋଜିବା ମହତ କାମ,
ଭାବିଲେ ଲାଗେ ଯେ କେମିତି ଖୋଜିବା
ଏହା ତ ବିରାଟ କାମ।
ଆଶା ନିରାଶାର ଲୁଚକାଳି ଖେଳେ
ସମୟ ଯେ ଅନ୍ୟ ନାମ,
ଆଗ ପଛ ହୋଇ ଧାଇଁ ଚାଲିଗଲା
ମନ ବୃନ୍ଦାବନ ଧାମ।
କି ଅପୂର୍ବ ରୂପ କି ମନୋହର ସେ
ବୁଦ୍ଧି ହୋଇଗଲା ବାମ,
ଯୁଗଳ ମୂର୍ତ୍ତି ସେ କାହିଁ ନଦେଖିଲି
ଖାଲି ଶୁଭେ ହରି ନାମ।
ଅପଲକ ନେତ୍ରେ ଚାହିଁ ରହିଗଲି
ବୁଦ୍ଧି ହେଲା ମୋର ବାମ,
ଆଖି ଖୋଲି ଦେଖେ ଏ ସାରା ସଂସାରେ
କୃଷ୍ଣ ନାମ କୃଷ୍ଣ ନାମ।
