ହୋଲି - ୨୦୨୨

ଅଳ୍ପ ଥିଲା ଏହି ବର୍ଷ ହୋଲିର ସମ୍ଭାର

           କରୋନାର କଟକଣା ଥିଲା କିଛି କିଛି,

ସାମୁହିକ ଆୟୋଜନ କରି ପରିହାର

           ନିଜ ଘରେ ରଂଗ ଖେଳ ସୀମିତ ରହିଛି ।

ଫଗୁଣ ତ ଅପସରି ଗଲା

           ନେସି ହୋଇ ଫଗୁର ରଂଗରେ,

ଢାଳି ଭାଂଗପଣାର ମଦିରା,

           ଆରମ୍ଭି ପ୍ରସ୍ତୁତି ପର୍ବ ସ୍ବାଗତ ଗ୍ରୀଷ୍ମରେ ।

ଜୀବନର ସବୁ ଗ୍ରୀଷ୍ମ ପୂର୍ବେ

           କାଳେ କାଳେ ଥାଏ ମଧୁ ମାସ,

ଦେବା ପାଇଁ ପୁନଶ୍ଚ ପ୍ରତ୍ୟୟ-

           ସୃଷ୍ଟି ଯଦି ଅଛି ତେବେ ଅଛିରେ ବିଲୟ।

ସୁଖ ବେଳେ ନ ହୁଅ ଉତ୍ଫୁଲ୍ଲ,

           ଦୁଖ ହେଲେ ନ ହୁଅ ଅଧିର

ଭଂଗା ଗଢା ଚାଲିଛି ପ୍ରତ୍ୟହ,

ସଂସାରରେ କିଛି ନୁହେ ଚିର ।

ଫଗୁଣ ସମୀର ଆଜି ଗଲା କାନେ କହି,

           ସରିଗଲା ଜୀବନରୁ ଆଉ ଏକ ବର୍ଷ

ଅବଶିଷ୍ଟ ଜୀବନକୁ ବଂଚିବା ପାଇଁ କି,

           ସମୁଚିତ ଉପାୟରେ, ନ ହୋଇ ବିମର୍ଷ ।