ଏମିତି ବି ସ୍ୱପ୍ନ ଆସେ

ଏକେଲାପଣରେ ଘାରିହୁଏ ଯେବେ

କୋଳାହଳେ ଭରା ମନ

ସୁନ୍ଦରପଣକୁ ଆଖି ଚୋରିକରେ

ନିଦ ଚୋରିକରେ ସ୍ୱପ୍ନ I

ମରିଚିକା ଏଠି ସ୍ୱଚ୍ଛ୍ୱ ଜଳଧାର

ବିଦ୍ୱେଷ ଏଠାରେ ପ୍ରେମ

ଛଳନାର ଲୁହ ନିଗଡନ୍ତି ସର୍ବେ

ଥାଏ ଯଦି କିଛି କାମ I

କପଟ ବଚନେ ହୃଦୟ ଜିତନ୍ତି

କର୍ତ୍ତବ୍ୟ ସବୁରି ଶୂନ

ତାହେଲେ କାହିଁକି ମିଛ ଭାବନାରେ

ହେଉଥିବା ହୀନିମାନ I

ସବୁ ଭାବନାକୁ ପଛରେ ପକାଇ

ଆଗକୁ ଚାଲିବା ସଖୀ

ଏତେ ଦୂର ବାଟ ଚାଲିଯିବା ଆମେ

ପାଇବନି କାର ଆଖି I

ସୁନ୍ଦର ଗୋଟିଏ ଦୁନିଆର ନକ୍ସା

ତିଆରିବା ସେଠି ବସି

ଛାଡି ଆସିଥିବା ପଛକଥା ଭାବି

ଦେଉଥିବ ତୁମେ ହସି I

ଜୀବନ ଜଞ୍ଜାଳ ନଥିବ ସେଠି ଲୋ

ରାଗ ରୋଷ ଅଭିମାନ

ସପନ ସାଗରେ ସନ୍ତରଣ କରି

ଖୁସି କରୁଥିବା ମନ I