ଲାଇବ୍ରେରୀ
ପ୍ରୋଫାଇଲ୍
ଜଟିଳ ନହୋଇ ହେବା ସରଳ
ଜଟିଳ ନହୋଇ ହେବା ସରଳ
1 min
198
ଜନମ ମରଣ ସତ୍ୟ ଚିରନ୍ତନ
ମାତ୍ର ଜୀଇଁବାରେ ଲୋଭ ପ୍ରବଳ
ଜାଣି ବି ଅବୁଝା ହୁଅଇ ମଣିଷ
ଦିନେ ଡାକି ନେବ ବୋଲିରେ କାଳ
ତେଣୁ ନକରିଣ ମନ ଅମେଳ
ପରସ୍ପରଠାରେ ରଖି ପ୍ରୀତି ଭାବ
ଜଟିଳ ନହୋଇ ହେବା ସରଳ ।
ଜଟିଳ ମନର କୁଟିଳ ସ୍ବଭାବ
ଚିନ୍ତି ପାରେନାହିଁ କାହା ମଙ୍ଗଳ
ସ୍ବସ୍ବାର୍ଥ ପଛରେ ହୋଇ ଧାବମାନ
ନିଜର କ୍ଷତି ହିଁ କରେ କେବଳ
ଦେହ ସୁଖ ପାଇଁ ଖଟାଇ ବଳ
ନିରର୍ଥକ କରେ ଜନମ ଜୀବନ
ଭବ ପାରାବାରୁ ହରାଏ ଥଳ ।
ସରଳ ହୃଦୟୁ ସଦା ଝରି ପଡ଼େ
ପବିତ୍ରତା ଭରା ଅମୀୟ ବାଣୀ
ତା'କୁ କରି ପାନ ତୃପ୍ତ ହୁଏ ମନ
ଆହା ! କେତେ ଶାନ୍ତି ମିଳଇ ପୁଣି
ସେହି ଧନ ପରା ଅମୂଲ୍ୟ ମଣି
ତାହାକୁ ଆୟତ୍ତ କରିଛି ଯା' ଚିତ୍ତ
ସଂସାରେ ତା' ଚିରକାଳ ରହଣି ।
