ଯୁଦ୍ଧ
ଯୁଦ୍ଧ
କିଛି ଲୋକଙ୍କ ଗର୍ଵ, ଅହଂକାର ଓ
ମହତ୍ତ୍ଵାକାଂକ୍ଷାରୁ ଜନ୍ମ ନିଏ ଯୁଦ୍ଧ
ଆଉ ଶୂନ୍ୟ କରେ କେତେ
ମାଆଙ୍କ କୋଳ
ପୋଛି ଦିଏ କେତେ ସଧବା ଙ୍କ
ସିମାନ୍ତ ର ସିନ୍ଦୂର
ପିତୃହରା କରି ଛଡାଇ ନିଏ କେତେ
ସନ୍ତାନ ଙ୍କ ଶୈଶବ
ଛଡାଇ ନିଏ ଭାଇ ଠାରୁ
ଭାଇର ଡାକ
ଭଉଣୀ ଠାରୁ ଛଡାଇ ନିଏ
ନିଜ ଭାଇ କୁ ରାକ୍ଷୀ ବାନ୍ଧିବା ର ଅଧିକାର
ବନ୍ଧୁମାନେ ହଜାଇ ଦିଅନ୍ତି ତାଙ୍କ ବନ୍ଧୁତ୍ୱ
କେତେ ଘର ଭାଙ୍ଗି ଯାଏ
ଭାଙ୍ଗି ଯାଏ ଗୋଟିଏ ଦେଶର
କଳା, ସ୍ଥାପତ୍ୟ ଓ ଐତିହ୍ୟ
ଭୁଲୁଣ୍ଠିତ ହୂଏ ତା ସାଂସ୍କୃତିକ
ଧରୋହର, ଗର୍ବ ଓ ଗୌରବ
ନିଷ୍ପେସିତ ହୁଅନ୍ତି ସାଧାରଣ ଜନତା
କେବଳ ସାଧାରଣ ଜନତା।