ପୁରୁଣା ପୃଷ୍ଠା

ଆଜି ମୁଁ...

ପୁରୁଣା ପୃଷ୍ଠା କିଛି ଓଲଟେଉଛି...

କିଛି ପୃଷ୍ଠା ଚିରି ଯାଇଛି...

ତ...

କିଛି ପୃଷ୍ଠା ଲିଭି ଯାଇଛି ।

କିଛି କିଛି...

ସ୍ମୃତିକୁ ପୁଣି ତାଜା କରି...

ଅତୀତର ଅଭୁଲା ଗାଥା ସବୁକୁ...

ଲୁହରେ ଭିଜେଇ ଦେଉଛି ।

କେତେ କଥା...

ପ୍ରତୀତ ହଉଛି ନୂଆ ନୂଆ...

ଅଶିଖା ଜଟିଳ ବର୍ଣ୍ଣମାଳା ପରି...

ମସ୍ତିଷ୍କ ଭିତରୁ ଉଭେଇ ଯାଉଛି ।

ତଥାପି କାହିଁକି...

କିଛି ପୁରୁଣା ବକେୟା ଅଙ୍କ...

ଆପେ ଆପେ ଉଧାରୀ ଖାତାରେ...

ମୋ ଅଜାଣତରେ ଯୋଡି ଯାଇଛି ।

ମନେ ପଡେ...

ସେ ସାଙ୍ଗ ମେଲେ ଧୂଳିଖେଳ...

ଆଉ ଛୁଆ ବେଳ ଲୁଚକାନି...

ସବୁ ରଙ୍ଗୀନ ହୋଇ ନାଚୁଛି ।

ସେ ଅଭୁଲା...

ବାପା ମା ଗେହ୍ଲ କଥା...

ଭାଇ ଭଉଣୀ ସ୍ନେହ ମମତା...

ସବୁ କାଲି ପରି ଲାଗୁଛି ।

ସବୁ ଥାଇ...

ଆଜି ମୋତେ କେଜାଣି କାହିଁକି...

ଆବଦ୍ଧ ନିରୋଳା କୋଠରୀ ଭିତରେ...

ସବୁ ଏକା ଏକା ଲାଗୁଛି ।