ପୁରସ୍କାର
ପୁରସ୍କାର
1 min
257
କେତେବେଳେ ଚା ପତି
ଫୁଟେ କ୍ଷୀର ବା ପାଣିରେ
କେତେବେଳେ ଗରମ ତେଲ କଡେଇର ଫୁଟଣ
ଓଢଣୀ ହୁଏ
ଫୁଲଦାନୀ ଫୁଲ
ବୈଠକ ଘର ଶୋଭା
କୋଲଡ଼ ଡ୍ରିଙ୍କସ୍ ହୁଏ
ଶୋଷ ମେଣ୍ଟାଇ ।
ଗୀତ ହେଲି ସାଥ ଦେଲି
ତାର ହେଲି ସୁର ଦେଲି
ସ୍ରଷ୍ଟା ହେଲି
ସୃଷ୍ଟି କଲି
ତେବେ ବି
ମୁଁ କିଏ ଜାଣି ନ ପାରିଲି !
କୋମଳ ହୃଦ
ପଥର କଲି
ତଥାପି ପଦ୍ମ ଫୁଟାଇବା
ଚେଷ୍ଟାରୁ କଣ ବିରତ ହୋଇଛି!
ସଜାଡ଼ିଲି
ସାଇତି ରଖିଲି
ଗଢିଲି
ବଢାଇଲି
କିନ୍ତୁ ନିଜେ ଖଣ୍ଡ ଖଣ୍ଡ ହେଲି !
ଶେଷରେ ନିଜକୁ
କେଉଁଠି ପାଇଲି !
ଜରାଶ୍ରମ
ମୋ ପୁରସ୍କାର।