ପୁଣି ଭିଜିବା ବର୍ଷାରେ

ଆ ! ମୋ ପାଖକୁ ପ୍ରିୟା ଥରେ

ସବୁ ରାଗ ରୁଷା ରଖି ଦୂରେ

ହଜିଯିବା ପ୍ରେମ ଦୁନିଆଁରେ

ଆମେ ପୁଣି ଭିଜିବା ବର୍ଷାରେ ।

ରିମ୍ ଝିମ୍ ସୁରେ ଗୀତ ଗାଇ

ଦେଖ ବରଷା ଆସିଛି ଖୁସି ନେଇ

ଗ୍ରୀଷ୍ମର ତାପ ଯାଇଛି ଉଭେଇ

ଶୀତଳ ବର୍ଷାର ସ୍ପର୍ଶ ପାଇ ।

ଚୁପ୍ ଚାପ୍ ଆମ ସହରରେ

ବର୍ଷା ଆସିଛି ଏତେ ଦିନ ପରେ

ସୁଗନ୍ଧିତ ମାଟି ବାସ୍ନାରେ

ଚଞ୍ଚଳା ଚପଳା ଆଲୋକରେ ।

ଧରଣୀ ହସେ ଆଜି ଆହ୍ଲାଦରେ

ବନ ଉପବନେ ପୀକ ନୃତ୍ୟରେ

ଧାନ କ୍ଷେତର ସବୁଜ ସ୍ଵାକ୍ଷରରେ

ଉଛୁଳା ନଦୀର ପ୍ଲାବନରେ ।

ସବୁ ଅଭିମାନ ରଖି ଦୂରେ

ଆ ! ମୋ ପାଖକୁ ପ୍ରିୟା ଥରେ

ଧରି ନେ' ବାହୁ ବନ୍ଧନରେ

ପୁଣି ଭିଜିବା ଆମେ ବର୍ଷାରେ ।