ପୁନଃ ପୁନଃ ନମସ୍କାର

ପଡୁନାହିଁ ପଲକ ତୋ ଚକା ଦୁଇ ନୟନରେ

ପ୍ରାଣନାଥ ଜଗନ୍ନାଥ ନିଳାଦ୍ରିଶ କଳା ଶ୍ରୀମୁଖ ,

ଭକ୍ତ ଭିଡ କଳାହାଟ ଦ୍ବାରେ ତୋ ଗହଳି

କୃପାକର ଏ ଅଧମ ଆଶାୟୀ ବି ଦରଶନ ରଙ୍କ ।

ନାଥ ତୁମେ ଜଗତର ସର୍ବ କାର୍ଯ୍ଯ ଓ କାରଣ

ତୁମେ କୃଷ୍ଣ ଆକର୍ଷଣ ହୃଦ୍ଯବୋଧ ଶାନ୍ତିର ନିଧାନ ,

ଅଭୟ ଆଶ୍ରୟ ସ୍ଥଳ ଅଟ ତୁମେ ସର୍ବ ଶକ୍ତିମାନ 

ବିରାଜୁଛ ପ୍ରାଣ ରୂପେ ଆଦିକନ୍ଦ ପ୍ରତି ହୃଦକନ୍ଦ ।

ସବୁକିଛି ତୁମେ ପ୍ରଭୁ ଜଗଦୀଶ ବିରାଜ ସବୁଠି

ଭୂତ ତୁମେ ବର୍ତ୍ତମାନ ଭବିଷ୍ଯତ ଆଧାର ପ୍ରକୃତି,

ସବୁ ଦୃଶ୍ଯ ଅନ୍ତହୀନ ଦୃଶ୍ଯ ତୁମେ ହେ ଅଚ୍ୟୁତ

ଆତ୍ମଶୁଦ୍ଧି ଯୋଗସିଦ୍ଧି ସଦଗତି ମୁକ୍ତି ପ୍ରାଣ ଶକ୍ତି ।

ହେ ଠାକୁର ମହାପ୍ରଭୁ ବ୍ରହ୍ମା ବିଷ୍ଣୁ ମହେଶ୍ଵର 

ସର୍ବ ସମାହାର ତୁମେ ସନାତନ ସତ୍ଯ ଓ ସୁନ୍ଦର, 

ଶ୍ରୀପଦ ପଙ୍କଜେ ଲିପ୍ତ ରହୁ ମନ ମଧୁକର

ହସ୍ତଯୋଡି ଜଣାଉଛି ନମସ୍କାର ପୁନଃ ନମସ୍କାର ।।