ପ୍ରୟାସ
ପ୍ରୟାସ
ଝରି ଗଲା ଫୁଲଟିଏ
ବିସରି ତା' ବାସ୍ନା,
ଯାଯାବର ଭ୍ରମର-ଟିର
ମେଣ୍ଟିଲା ନି ତୃଷ୍ଣା ।୧।
ଫୁଟିଥିଲା ନକ୍ଷତ୍ର କୋଟି
ଆକାଶର ବକ୍ଷେ,
ମିଞ୍ଜି ମିଞ୍ଜି ଜଳୁଥିଲା
ଜହ୍ନର ଚତୁଃପାର୍ଶ୍ଵ ।୨।
ବୋହି ଚାଲେ ନିର୍ଝରିଣୀ
କଳ-କଳ ନାଦେ,
ସମୁଦ୍ରେ ମିଶିବା ପ୍ରୟାସେ ବନ୍ଧୁର
ଶିଳାକୁ ସେ ଭେଦେ ।୩।
ମଞ୍ଜି ଗୋଟି ଅଙ୍କୁରିତ ହୁଏ, ଦୁଇ
ବୀଜ ପତ୍ର ନେଇ,
ଉଦ୍ୟମ ତା' ଅନବରତ, ବିଶାଳ
ଦୃମ ହେବା ପାଇଁ ।୪।
ଭିଡ଼ି-ମୁଡ଼ି ହୋଇଉଠେ ସଁବାଳୁଆ
ନିଜତ୍ବର ପରିଚୟ ପାଇଁ,
ଘୃଣ୍ୟତାର ଖୋଳପାରୁ ବାହାରି, ରଙ୍ଗୀନ୍
ପ୍ରଜାପତି ହେବା ପାଇଁ ।୫।
କ୍ଷୁଦ୍ର-ନଗଣ୍ୟ-ତୁଚ୍ଛ-ବୋଲି
କିଏ କେତେ ପ୍ରୟାସ କରେ,
ଅନ୍ତେ ମହାନ ପରିଣାମର
ଅର୍ଥକୁ ସାର୍ଥକ କରେ ।୬।