ପ୍ରତିକ୍ଷାର ଲମ୍ବାରାସ୍ତା
ପ୍ରତିକ୍ଷାର ଲମ୍ବାରାସ୍ତା
1 min
222
ଫୁଲ ଫଗୁଣର ଅଳସୀ ସଞ୍ଜରେ
ମଳୟ ପରଶ ପାଇ
ଆକାଶରେ ଜହ୍ନ ମୁହଁ ଦେଖାଇଲେ
ଖେଲିଯାଏ ସ୍ମୃତି ବହି I
ପ୍ରତିଟି ପୃଷ୍ଠାରେ ତୁମେ ଥାଅ ସଖୀ
ଥିରି ଥିରି ହସୁଥାଅ
ବୁଝେନାହିଁ ମୋର ଅମାନିଆଁ ମନ
ଆଖିରେ ଜକାଏ ଲୁହ I
କିପରି ବିତୁଛି ଦିନ ମାସ ବର୍ଷ
ତୁମେ କି ପାରିବ ବୁଝି
ବୟସ ଭାବରେ ନଇଁଲାଣି ଅଣ୍ଟା
ତୁମକଥା ହେଜି ହେଜି I
ଅବେ ବି କାନରେ ବଇଂଶୀର ସ୍ୱର
ବାକିଯାଏ ରହି ରହି
ଆଖିର ତେଜ ମୋ କମି ଆସିଲାଣି
ତୁମବାଟ ଚାହିଁ ଚାହିଁ I