ପ୍ରତିଭା

କବିତା କାହାଣୀ ପ୍ରବନ୍ଧ 

କ୍ଷୁଦ୍ରଗଳ୍ପ ଗୀତ ନିବନ୍ଧ 

ଏ ସବୁ ନେଇ ପ୍ରତିଭା 

କ୍ଷୁଦ୍ର ଫୁଲ କଢି ବିକଶିତ ।

କବି ଲେଖକ ନର୍ତ୍ତକୀ 

ନାଟ୍ୟ ନାୟିକା ଦେବକୀ

ଏ ସର୍ବଗୁଣ ପ୍ରତିଭା 

ଆଗତ ବସନ୍ତେ ଆଗନ୍ତୁକ।। 

କୁନି କୁନି ଯେତେ ତାରକା 

ନବ ନବ ଯେତେ କଳିକା

କ୍ଷୁଦ୍ର ନ ମଣିବା ପ୍ରତିଭା 

ଗଗନ ପବନ ମୁଖରିତ।। 

ଦର୍ଶକର ମନ ଆନନ୍ଦିତ, 

କୁସୁମ ସୁମନେ ପ୍ରସ୍ଫୁଟିତ। 

ଅମର ପ୍ରତିଭା ଚିର ବନ୍ଦିତ, 

କର କମଳ ଚରଣେ ଅର୍ପିତ। 

ପ୍ରତିଭା ଚିର ସ୍ମରଣୀୟ ।

ପ୍ରତିଭା ସର୍ବ ବନ୍ଦନୀୟ।।

ରମ୍ଭା ମେନକା ଉର୍ବଶୀ ଆଭା

ସ୍ବର୍ଗୀୟ ନର୍ତ୍ତକୀ ଦେବସଭା ।

କଳା କଳାକାର କଳା ଜଗନ୍ନାଥ 

ଉତ୍କଳ ପ୍ରତିଭା କଳା ମନୋରଥ ।