ପ୍ରଥମ ପ୍ରେମ

ପ୍ରଥମ ପ୍ରେମର ପ୍ରଥମ ଗୀତିକୁ

         ଭୁଲିନି ମୁଁ ସେଇ ଦିନୁ 

ଗୀତି ନୁହେଁ ସେତ ଅଭୁଲା ସ୍ମୃତି ମୋ

        ଜଳାଇ ମାରୁଛି ତନୁ ।(୦) 

ନିବିଡ଼ ରାତିରେ କେବେ ସେ ଆସିଛି

କେବେ ପୁଣି ଅପରାହ୍ନେ 

କେତେ ସେ ଦେଇଛି ବିରହ ଯନ୍ତ୍ରଣା

ଭୁଲି ମୁଁ ପାରିନି ମନେ । 

କେତେ ଦିବସ ମୋ ବିତିଛି ନିଃସଙ୍ଗେ 

ଦେଖିନି ଉଦିତ ଭାନୁ ।(୧)

ସିଏ ମୋ ସ୍ମୃତିର ଅଲିଭା କାଗଜ

ଭିଜା ଆକାଶର ଜହ୍ନ 

ଯା'ପାଇଁ ଭିଜୁଛି ଭରା ଶ୍ରାବଣରେ

ବିନା ମେଘେ ରାତି ଦିନ ।

ପ୍ରଥମ ପ୍ରେମର ପ୍ରଥମ ଗୀତି ସେ

ଭୁଲି ପାରୁନି ମୁଁ ମନୁ ।

ଗୀତି ନୁହେଁ ସେତ...(୨)