ପ୍ରଥମ ପ୍ରେମ
ପ୍ରଥମ ପ୍ରେମ
ପହିଲି ଚିଠିରେ ଆପଣର କରି
ଆଖିରେ ଦେଲ ମୋ ସୁନେଲି ସପନ
ଏଇ ମନେ ବୁଣିଲ ପ୍ରେମର ବୀଜ
ବନ୍ଦି କଲ ତନୁମନ ଚିରଦିନ ।
ପହିଲି ଦେଖାର ପ୍ରଥମ ପରସ
କିମିଆ କରିଛି ନୀତି ମୁଁ ଝୁରୁଛି
ଶହେ ଜନମ କୁ ବନ୍ଧନ ବାନ୍ଧିବି
ପାଞ୍ଚି ପାଞ୍ଚି ମୁଁ ଯେ ସିଦ୍ଧାନ୍ତ ନେଇଛି ।
ଗୋଲାପି ଓଠ ରେ ଲାଜ ଭରା ହସ
ଶିହରଣ ଭରା ତୁମ ଆଖି ଠାଣି
ସତେକି ଫଗୁଣ ଭରିଲାକି ଫଗୁ
ଇନ୍ଦ୍ରଧନୁ କିବା ରଙ୍ଗ ଦେଲା ବୁଣି ।
ଲାଗେ ତୁମେ ସତେ ଅଫେରା ଅତିଥି
ପ୍ରଥମ ଦେଖାର ସେଇ ଅନୁଭୂତି
ଏଇ ମନ ଆଖି ଖୋଜେ ଦିନ ରାତି
ଗୁଞ୍ଜରିତ କରେ ମଧୁଯୁକ୍ତ ପ୍ରୀତି ।
ପ୍ରୀତିର ଝରଣା ଝରଝର ବହେ
କୂଳୁ କୂଳୁ ଶବ୍ଦ ହୃଦୟ ପୃଷ୍ଟରେ
ତବ ସ୍ପର୍ଶ ପାଇ ପ୍ରୀତିର ରଙ୍ଗୋଲି
ଆଙ୍କି ହେଲା ସାଥି ମନ ଓ ଦେହରେ ।
ଓଠର କଥା ତ ଇସାରା ଆଖିରେ
ମନର କଥା ମୋ ହୃଦୟ କାନ୍ଥରେ
ଅଲିଭ ତୁଳିରେ ଆଙ୍କିଦେଲ ସାଥି
କି ପ୍ରୟୋଜନ ସେ ଓଠ ଖୋଲିବାରେ ।
ବସନ୍ତ ମଳୟ କୁହୁକୁହୁ ସ୍ଵନ
ଫଗୁଣ ଆଗତେ ମଲ୍ଲlର ସଜାଇ
ଧରଣୀ କରେ ନବବର୍ଷ ସ୍ୱାଗତ
ସେପରି ତୁମେ ମୋ ପ୍ରାରମ୍ଭର ପଥ ।