ଲାଇବ୍ରେରୀ
ପ୍ରୋଫାଇଲ୍
ପ୍ରେମର ମହକ Madhusmita
ପ୍ରେମର ମହକ Madhusmita
1 min
238
ପ୍ରେମ ଭରିଦିଏ ମନେ ମହକ
ନିତି ଝୁରୁଥାଏ ଆଖି ପଲକ
ପ୍ରେମେ ରହିଅଛି କେଉଁ କୁହୁକ
ବାସ ଛୁଟିଯାଏ ସାରା ପୁଲକ
ସୌନ୍ଦର୍ଯ୍ୟ ସମ୍ପଦ ସଜାଇ ଚିତେ
ଅଦୃଶ୍ୟ ମଳୟ ଛୁଇଁଛି ମତେ
ନିରବେ ଅନ୍ତର ଝୁରୁଛି କେତେ
ସାକାର ହୋଇବ ମୋ ପ୍ରେମ ସତେ
ନବୀନ କିରଣ ପ୍ରୀତି ଯତନେ
କୁସୁମ ସଜାଇ ମୋ ହୃଦ ବନେ
ନିର୍ମଳ ପ୍ରୀତି ଏ ଦେଖି ନୟନେ
ସୁଶୋଭିତ ସ୍ଥାନ ଦେଇଛ ମନେ
ଯୌବନର ଛବି ଶୋଭଇ ମୁଖେ
ପ୍ରେମ ଉପବନୁ ଥାଇ ମୁଁ ଦେଖେ
ତନୁର ଗାଲିଚା କାହାଣୀ ଲେଖେ
ନିଅତି ଉପରେ ଭରଷା ରଖେ
ଏ ପ୍ରାଣ ତୃପତି ମନର ଭାଷା
ହୃଦୟେ ଆଙ୍କିଛି ଅନେକ ଆସା
ଅନ୍ତରେ ସଜାଇ ଦୃଢ ଭରଷା
ସାଥି ତବ ପ୍ରୀତି ଭରେ ପିପାସା
