କବିତା ରେ ଲେଖା କାହାଣୀ
କବିତା ରେ ଲେଖା କାହାଣୀ
ସୂରୁଜ ଉଇଁଲେ ପଙ୍କଜ ପୁଲକେ
ହସେ ନୀଳ ଦରିଆ ପାହାଡ ବନ
ଧରା ସ୍ପର୍ଶ କରେ ସୁନେଲି କିରଣ
ଉଲ୍ଲାସ ଭରେ ସଭିଙ୍କ ପ୍ରାଣ ମନ
ଶୂନ୍ୟ ହୃଦୟର କୋଠରୀ ଭିତରେ
ପ୍ରେମରଙ୍ଗ ଲିପି କଲମେ ଆଙ୍କିଲ
ପ୍ରୀତି ଭରା ଅଲିଭା ଅକୁହା ଚିହ୍ନ
ସେବେ ଠୁରୁ ବୁଝିଲି ପ୍ରେମର ମୂଲ୍ୟ
ତୁ ଯେବେ ମନ ତଳେ କରିଲୁ ଘର
ବନ, ଗିରି, ଲତା, ପାହାଡ, ଦରିଆ
ସବୁଠି ଏ ମନ ଖୋଜିଲା ତୋ ଛୁଆଁ
ଏଠି ସେଠି ବୁଲି ହେଲା ଯାଯାବର
ସେଦିନୁ ଖୋଲିଲି ମନର ଡ଼ାଇରୀ
ହୃଦୟ କଲମେ ନିଶ୍ୱାସ ଯୋଗାଡି
ମନର କାନ୍ଥରେ ଲେଖୁଛି କବିତା
ନିରବଛିରନେ ମୁଁ ଧାଡ଼ିକି ଧାଡି
ଘନନୀଳ ଆକାଶରେ ତାରା ମେଳେ
ଚିକିମିକି ଶୋଭା ପାଏ ଜହ୍ନ ଭାରି
ତୁମ ଶୋଭା ପାଇଁ ମନେ ମୋର ଖଞ୍ଜା
ଚୁନିଚୁନି ସରସ ଦୁର୍ଗମ ଗିରି