ପ୍ରଥମ ଦେଖା

ପ୍ରଥମ ଦେଖାର ମିଠା ଅନୁଭୂତି

ହୋଇଗଲା  ଇତିହାସ

ଛଅଗୁଣ ହେଲା ପ୍ରେମର ଫଗୁଣ

ମେଣ୍ଟିଗଲା ସବୁ ଶୋଷ ।।

ତମସା ଭିତରେ ଇନ୍ଦୁଟିଏ ସାଜି

କରିଦେଲ ଆଲୋକିତ

ଜୀବନ ମରୁରେ ବର୍ଷାଟୋପା ତୁମେ

ହସ ଲକ୍ଷେ ପାରିଜାତ ।।

ବଦଳିଗଲା ଏ  ଜୀବନର ମୋଡ଼

ବଦଳିଲା ଭାଗ୍ୟରେଖା

ସ୍ମୃତି ସାଜିଲା କଲେଜ କାନ୍ଥପାଖେ

ଆମ ସେ ପହିଲି ଦେଖା ।।

ଅଶ୍ୱତ୍ଥର ମୂଳେ ଲାଗୁଥିଲ ତୁମେ

ଶିଳ୍ପୀଅଙ୍କା  ପ୍ରତିମୂର୍ତ୍ତି

ଇଛା ହେଉଥିଲା ନଜରବନ୍ଦୀରେ

କାଟିବାକୁ  ସବୁରାତି  ।।

ପଡୁ ନଥିଲା ମୋ ନୟନେ ପଲକ

ଲାଗୁଥିଲା ବୋଧେ ଭ୍ରମ

ପାଦ ଥାପିଥିଲି ସ୍ଵର୍ଗରେ ସତେକି

ମାଦକଭରା ଏ ପ୍ରେମ ।।

ସରି ଯାଉଥିଲା ଦିନର ଆୟୁଷ

ପାରୁ ନଥିଲି ମୁଁ ଜାଣି 

ଫେରିଗଲ ତୁମେ ଗନ୍ତବ୍ୟ ପଥରେ

ହଜାରେ ସପନ ବୁଣି  ।।