ପୃଥକବାସରେ ରହିଛି ଜଗା

ମନଭରି ଟିକେ ଗାଧେଇ ପଡିଲା

ସେଥିପାଇଁ ତାକୁ ଜର ହୋଇଛି

କରୋନା କି ନାହିଁ ଜଣା ପଡୁନାହିଁ

ସେପାଇଁ ପୃଥକ ହୋଇ ରହିଛି I

ସୁସ୍ଥ ହେବାପାଇଁ ତା' ଶ୍ରୀ ଅଙ୍ଗରେ

ମାଲିସ ହୋଇଲା ଫୁଲରି ତେଲ

ଧିରେ ଧିରେ ସୁସ୍ଥ ହେଉଛି କାଳିଆ

ଏବେ ଦେହ ଟିକେ ଲାଗୁଛି ଭଲ I

ରଜ ପାଳିବାକୁ ଇଛା ଥିଲା ତାର

ସରିନାହିଁ ବୋଲି ପୃଥକବାସ

ଅଣସର ଘରେ ଏବେ ବି ରହିଛି

ମୁହଁରେ ତା ନାହିଁ ଟିକିଏ ହସ I

ଥଣ୍ଡା ଶର୍ଦ୍ଦି କାଶ ଭଲ ହୋଇଲାଣି

ଧିରେ ଧିରେ ଦେହୁ ଛାଡୁଛି ଜର

ଏକାନ୍ତବାସରୁ ପଦାକୁ ଆସିବ

ଛଟପଟ ହୁଏ ମନ ତାହାର I

ନବ ଯଉବନ ବେଶରେ କାଳିଆ

ରତ୍ନସିଂହାସନେ ବସିବ ଯାଇ

ଭକ୍ତଜନ ତାକୁ ଦେଖି ପାରିବେନି

ଭାବି ଭାବି ମନ ଦୁଃଖ କରଇ I

ଭାଇ ଭଉଣୀଙ୍କୁ ସାଙ୍ଗେ ଧରି ଜଗା

ସଗର୍ବେ ରଥରେ ହୋଇବ ବିଜେ

ତା ଆଗେ ଗୋଟିଏ ଭକତ ନଥିବେ

ଏକା ଦେଖୁଥିବ ନିଜକୁ ନିଜେ I