ପ୍ରତାରଣା

ଭୂତାଣୁ ଭୈରବର ରୌରବ 

ଭାଙ୍ଗିଦେଇଛି ବିଜ୍ଞାନର ଗୌରବ

ଫରକ ପଡୁନି କିଛି

କିଏ ଏଠି ପାଣ୍ତବ 

ଆଉ କିଏ ଏଠି କୌରବ

ରାସ୍ତାଘାଟ ଶୁନଶାନ୍ 

ଚାରିଆଡେ ଖାଲି କୋଳାହଳ

ଦିଶୁନି ଜନଗହଳ

ପାଣି ଆଉ ପବନରେ ବିଷ ହଳାହଳ

ଅଦୃଶ୍ଯ ଆତଙ୍କର ହାତ ମୁଠାର

ଚାରି କାନ୍ଥ କୋଠରି କୋଣରେ

ଚେମାଣିଆ ପରି ଝୁଲୁଛି

 ଚାଲାକ ଚତୁର ମଣିଷ ଜୀବନ 

ଆଭିଜାତ୍ୟ ପୂର୍ଣ୍ଣ ପାଶ୍ଚାତ୍ଯ ସଂସ୍କୃତି

ପାଇଛି ପ୍ରକୃତିର ଶକ୍ତ ଚଟକଣା

ଅଣାୟତ ଅହଂକାର

 ଅଣସର ଘରେ ବାଟବଣା

ଆତ୍ମଚିନ୍ତନ କହେ 

 ସନାତନ ସଂସ୍କୃତିର ପ୍ରତାରଣା 

ଘୁରାଏ ସଭିଁକୁ ହରଡ ଘଣା ।