ପ୍ରସବିନୀ ମାଟି

ପ୍ରକାର ଭେଦରେ ଅନେକ ମାଟି,

ତେଲିଆ ବାଲିଆ ଚିକିଟା ମାଟି

ଅଠିଲା ମଟାଳ ଆଉ ଦୋରସ

ଦୋରସ ମାଟି ତ ସଦା ସରସ ।

ମଟାଳ ମାଟିରେ ଧାନ ଫସଲ

ବାଦାମ ଚାଷକୁ ବାଲିଆ ଭଲ ।

ଦୋରସ ମାଟିରେ କରିବ ଚାଷ

ଫସଲ କାଟିବ ହୋଇ ହରସ ।

ଅଠିଲା ଅବା ଚିକିଟା ମାଟିରେ,

କିଛି ହୁଏ ନାହିଁ ଚାଷୀ ଶୁଣରେ।

ମାଟି ପରଖିଣ କରିବ ଚାଷ ,

ମାଟିକୁ କେବେହେଁ ନଦେବ ଦୋଷ ।

ତରୁ ବୃକ୍ଷ ଲତା ବଣ ବଗିଚା ,

ଧରାରେ ଶୋଭିତ ହୋଇଛି ସଜା।

ଶପଥ କରିଛି କଷ୍ଟ ସହିବ,

ସୃଷ୍ଟି ଟିକୁ ଖାଦ୍ୟ ଯୋଗାଉ ଥିବ ।

ପ୍ରସବିନୀ ହୋଇ ଜଗ ପାଳିବ,

ହସି ଓ ହସାଇ ଖୁସି ରହିବ ।