ପରମ ଶାସ୍ତ୍ର ଭାଗବତ
ପରମ ଶାସ୍ତ୍ର ଭାଗବତ
ଭାଗବତ ଭଜନ ମାଳା,
ଭବାବ୍ଧି ତାରଣ କାରଣ ଭେଳା,
ଭାଗବତ ଶାସ୍ତ୍ର କର ନିତ୍ୟ ପାଠ,
କାହିଁରେ ମନ ନ କର ବାଉଳା ll
ଭାଗବତ ଚାରି ଅକ୍ଷର,
ଭାବେ ତୁହି ଭଜନ କର,
ଭାବରୁ ଯାହାଙ୍କ ଅଟଇ ସମ୍ଭୁତ,
ଶିରି ଭାଗବତ ନାମ ହୋଇଲା ll
ଜ୍ଞାନ ଖଡ୍ଗ ଶ୍ରୀଭାଗବତ,
ମନେ ଗୁଣି ପାତକ କାଟ,
ଜ୍ଞାନ ରୂପୀ ବହ୍ନି ହୋଇଲେ ପ୍ରକଟ l
ପାତକ ସମୂହ ଦହନ ହେଲା ll
ବ୍ରହ୍ମରେ କରି ହୃଦ ସ୍ଥିର,
ହୃଦୁ ତେଜ ସର୍ବ ବିକାର,
ବ୍ରହ୍ମକୁ ବ୍ରହ୍ମରେ କର ତୁ ପରଖ,
ଦେଖ ସର୍ବ ବ୍ରହ୍ମମୟ ଦିଶିଲା ll
ତତ୍ତ୍ୱ ଭାଗବତର ହେଜ,
ବୃଥା କାହିଁ ଆଉ ନ ମଜ୍ଜ,
ତତ୍ତ୍ୱରେ ତୁଟିବ ସର୍ବ ଭ୍ରାନ୍ତି ତଵ
ଭାଗବତ ଶାସ୍ତ୍ର ଏହା କହିଲା ll
ପରମ ଶାସ୍ତ୍ର ଭାଗବତ,
ଅଭ୍ୟାସ କରିବ ନିୟତ,
ନ କରି ପାରିଲେ ଚିନ୍ତାମଣି ଚିନ୍ତା
ବିଅର୍ଥେ ତୋହର ଜୀବନ ଗଲା ll