ପରମ ପିତା

ଜଗତର ପିତା      ଜଗତର କର୍ତ୍ତା

     ସପତ ବ୍ରହ୍ମାଣ୍ଡ ସତ୍ତା

ସାଗର ଜାମାତା     କମଳିନୀ ଭର୍ତ୍ତା

     ସୁଭଦ୍ରା ଦେବୀଙ୍କ ଭ୍ରାତା 

  ତୁମେ, ପରଂବ୍ରହ୍ମ ପରମପିତା ।

ଚାରି ବେଦ ସାର    ପ୍ରଣବ ଓଁ କାର

      ତୁମେ ଭାଗବତ ଗୀତା

ଯଜ୍ଞ ପାରାୟଣ      ଭଜନ କୀର୍ତ୍ତନ

    ଯୋଗରେ ତୁମେ ଯୋଗାତ୍ମା

ତୁମେ କୃଷ୍ଣ ରାମ     ଅନନ୍ତ ଅସୀମ

    ଦାରୁ ବ୍ରହ୍ମେ ପରମାତ୍ମା ।

ସୃଷ୍ଟିର ଉତ୍ପନ୍ନେ    ବୀଜ ମନ୍ତ୍ର ତୁମେ

     ଅବାସ୍ତବେ ବାସ୍ତବତା

ଐଶ୍ୱର୍ଯ୍ୟ ବୈଭବ   ଅଂଶ ଅଟେ ତବ

    ଶ୍ରେଷ୍ଟର ମଧ୍ୟେ ଶ୍ରେଷ୍ଠତା

ଯୁଗେ ଯୁଗେ ସତ୍ୟ    ତୁମ ମହାମନ୍ତ୍ର

     ଚିତ୍ତେ ଚେତନା ସମ୍ଭୁତା ।