ପ୍ରକୃତ ମାର୍ଗ ଦର୍ଶକ
ପ୍ରକୃତ ମାର୍ଗ ଦର୍ଶକ
ପ୍ରକୃତ ମାର୍ଗ ଦର୍ଶକ
ଗୁରୁ ହିଁ ଅଟନ୍ତି ଶିକ୍ଷାର୍ଥୀ ଜୀବନେ
ପ୍ରକୃତ ମାର୍ଗ ଦର୍ଶକ
ବତାଅନ୍ତି ନୀତି , ଦୂରାନ୍ତି ଅଶାନ୍ତି ,
ତାପ , ଭ୍ରମ , ଦୁଃଖ , ଶୋକ ।
ସମାଧାନ କରି ଶଙ୍କା ଓ ଆଶଙ୍କା
ବୁଝାନ୍ତି ଗୁଢ଼ ତତ୍ତ୍ବ କୁ
ଅନ୍ଧକାର ତମ ବିଦୂରିତ କରି
ଆଣନ୍ତି ଯେ ଆଲୋକ କୁ ।
ନିତି ଅଭିନବ ଭାବ ଓ ବିଭାବ
ଶିକ୍ଷା ଦେଇ ଅନୁ କ୍ଷଣ
ନିଷ୍ପ୍ରlଣ ଅଜ୍ଞାନ ଅନ୍ତରେ କରନ୍ତି
ଆଲୋକ ଧାରା ବର୍ଷଣ ।
ଦିବ୍ୟ ଅନୁଭୁତି ଉପଦେଶ , ନୀତି ,
ନିୟମ ପାଳନ ପ୍ରତି
ଆହ୍ଵାନ ବିପୁଳ ଜାଗୃତି ଉଜ୍ବଳ
ବିଭାଶେ ଦୀପ୍ତ କରାନ୍ତି ।
ଉପଦେଶ ଦେଇ ଦେଖାନ୍ତି ଆଦର୍ଶ
ଉତ୍ତମ ବିଚାର ଚିନ୍ତା
ପ୍ରସ୍ଫୁଟିତ କରି ବିବେଚନା ଶକ୍ତି
ସ୍ରୋତ ଧାରେ ଦିବ୍ୟ ଦ୍ରଷ୍ଟା ।
କରାଇ ଶିଶୁ କୁ ଅନେକ ଭାବ କୁ
ଶିକ୍ଷା ଦେଇ ନିତି ନିତି
ସତ୍ୟ, ସଦାଚାର , ନିଷ୍ଠା ସୁପ୍ରଚାର
କାର୍ଯ୍ୟେ ରତ ରହି ଥାନ୍ତି ।
ଶିଖାଇ ଜୀବନ ଯାତ୍ରା ରେ ଆହ୍ଵାନ
ଉଦ୍ଧୀପନା ଧାରା ସ୍ରୋତ
ପ୍ରବାହିତ କରି ମଧୁର ମାଧୁରୀ
ଗଢନ୍ତି ସେ ଭବିଷ୍ୟତ ।
ଜୀବନ ଯାପନ କଳା ଓ ବିଜ୍ଞାନ
ବହୁ ବିଦ୍ଧ ବିଭା ରାଶି
ଯାହା ଙ୍କର ମାର୍ଗ ଅନୁସରୀ ଜନେ
ନିଜ ଜୀବନେ ପ୍ରକାଶି ।
ହୋଇ ମହୀୟlନ ଜୀବନ ଯାପନ
କରନ୍ତି ହରଷ ଭରେ
ନବ ଜ୍ଞାନ ପଥ କରାନ୍ତି ଉନ୍ମୁକ୍ତ
ବାଧା ବିଘ୍ନ ବିନାଶ ରେ ।
ସହାୟତା ଦ୍ୟନ୍ତି , ସଯତ୍ନେ ଶିଖlନ୍ତି
ବିଦ୍ୟା , ବୁଦ୍ଧି , ବିତରନ୍ତି
ଶିକ୍ଷାର୍ଥୀ ର ଭାବ ବୁଝି ଯେ ଅଭାବ
ରାଶି ଦୂର କରି ଥାନ୍ତି ।
ସମାଜ ଓ ବ୍ୟକ୍ତି ରାଷ୍ଟ୍ର ର ପାଇଁ କି
ଗଢ଼ନ୍ତି ଉତ୍ତମ ଛାତ୍ର
ବ୍ୟକ୍ତିତ୍ଵ ବିକାଶ , ଶୃଙ୍ଖଳା ପାଳନ
ସାଥେ ବ୍ୟକ୍ତିର ଚରିତ୍ର ।
ଗଠନ ସହିତ ନୈତିକ ବିକାଶ
କ୍ଷେତ୍ର ରେ ସlଗ୍ରହେ ରତ
କରି ଉପକୃତ ଗୁରୁ ହିଁ ପ୍ରକୃତ
ମାର୍ଗ ରେ ପରି ଚlଳିତ ।
କରାଇ ଥାଆନ୍ତି ତାଙ୍କ ପlଦେ ନିତି
କରେ ଶତ ପ୍ରଣିପାତ
ତାହାଙ୍କର ଗୁଣ ବିଦ୍ୟା , ଶ୍ରମ ଜ୍ଞାନ
ସମାଜ କରେ ଉନ୍ନତ ।