ଲାଇବ୍ରେରୀ
ପ୍ରୋଫାଇଲ୍
ପ୍ରକୃତ ବନ୍ଧୁ
ପ୍ରକୃତ ବନ୍ଧୁ
1 min
339
ରାଜ ଦୁଆରରେ ଶ୍ମସାନ ଘାଟରେ
କ୍ଷଣିକେ ଯେ ଠିଆ ହୁଏ
ଚାଣକ୍ୟଙ୍କ ମତେ ସେ ହିଁ କେବଳ
ପ୍ରକୃତ ବନ୍ଧୁ ବୋଲାଏ ।।
ବିପଦ ସମୟେ ସାହାଯ୍ୟର ହାତ
ନିରତେ ବଢ଼ାଇ ଦିଏ
ବିଶାଳ ସଂସାରେ ଜନ ସମୁଦ୍ରରେ
ପ୍ରକୃତ ବନ୍ଧୁଟି ସିଏ ।।
ବନ୍ଧୁ ଥିଲେ ପାଖେ ବିପଦକୁ କେବେ
ଲାଗେ ନାହିଁ ଜମା ଡ଼ର
ଦୁଃଖ ବେଳେ ବନ୍ଧୁ ଆସିଥାଏ ଧାଇଁ
ପୋଛିବାକୁ ଲୁହ ଧାର ।।
ବନ୍ଧୁତ୍ୱର ମୂଲ୍ୟ ବନ୍ଧୁକୁ ଗୋଚର
ଅନ୍ୟ ବା ଜାଣିବେ କାହୁଁ
ମହୁ ବେପାରୀଟି କହି ଦେଇ ପାରେ
କେମିତିକା କେଉଁ ମହୁ ।।
ପ୍ରକୃତ ବନ୍ଧୁଟି ହିତକାଂକ୍ଷି ହୋଇ
ବନ୍ଧୁକୁ ସାଉଁଟି ରଖେ
ଛାଡେ ନାହିଁ ସିଏ ବନ୍ଧୁର ହାତକୁ
ସୁଖେ ହେଉ ଅବା ଦୁଃଖେ ।।
