ନାସ୍ତିକ
ନାସ୍ତିକ
ନାସ୍ତିକ ଅଟନ୍ତି ନୀରୀଶ୍ୱରବାଦୀ
ହେତୁବାଦରେ ବିଶ୍ୱାସୀ
ସ୍ୱଚକ୍ଷୁରେ ଯାହା ଦେଖନ୍ତି ପ୍ରତ୍ୟକ୍ଷେ
ପ୍ରମାଣନ୍ତି ଟିକି ନିଖି ।
ଶାସ୍ତ୍ର ପୁରାଣର ଆଖ୍ୟାନ ବ୍ୟାଖାନ
ତଥ୍ୟ ହୀନ ଅମୂଳକ
ଅଦୃଶ୍ୟ ଯେହେତୁ ନାହାଁନ୍ତି ଈଶ୍ୱର
ଅଟଇ ତାଙ୍କ ବିଶ୍ୱାସ ।
ସ୍ୱର୍ଗ ନରକ ବି କପୋଳକଳ୍ପିତ
ନାହିଁ ଚାକ୍ଷୁଷ ପ୍ରମାଣ
କହନ୍ତି ନାସ୍ତିକ ଜୀବନ ହିଁ ସତ୍ୟ
ବର୍ତ୍ତମାନ ମୂଲ୍ୟବାନ ।
ସଚେତନ ହୋଇ କର୍ତ୍ତବ୍ୟ ପାଳନେ
ମଣିଷ କରେ ପ୍ରଗତି
କର୍ମ ନ କରିଲେ ଦେବେନି ଈଶ୍ୱର
ବଳେ ବଳେ ଫଳ ଯାଚି ।
ଭାଗ୍ୟ ପୁର୍ନଜନ୍ମେ କରେନି ନାସ୍ତିକ
ତିଳେ ହିଁ ମାତ୍ର ବିଶ୍ୱାସ
ଉନ୍ନତି ନିମନ୍ତେ ମୂଳ ପରିଶ୍ରମ
ଦିଅନ୍ତି ହିତୋପଦେଶ ।
ବିରାଟ ବ୍ରହ୍ମାଣ୍ଡ କ୍ଷୁଦ୍ର ବୁଦ୍ଧି ନର
ଅଜ୍ଞାତ ଅନନ୍ତ ତଥ୍ୟ
ଆସ୍ତିକ ନାସ୍ତିକ ଅବଶ୍ୟ ସମଗ୍ର
ସତ୍ୟେ ହୁଏ ପ୍ରତିଷ୍ଠିତ ।
ଜିଜ୍ଞାସା ବଳରେ ମଣିଷ ପକ୍ଷରେ
ଅସାଧ୍ୟ ହୁଇଇ ସାଧ୍ୟ
ନିଜକୁ ପରମ ଜ୍ଞାନୀ ଯିଏ ମଣେ
ସିଏ ଅଟେ ବଡ଼ ମୁର୍ଖ ।