ପ୍ରକୃତ ଅନ୍ତରଙ୍ଗ ସାଥୀ

ଆମେ ସବୁ ଜାଣୁ ଆମ ଦୁଇଆଖି ଦୁହିଙ୍କର ପ୍ରିୟସାଥୀ,

ଦୁଇଜଣ ମିଶି ପତା ବି ପକାନ୍ତି କାହାକୁ କେବେ ନ ଦେଖି |

ଦୁଇଜଣ ମିଶି ଶୁଅନ୍ତି ଉଠନ୍ତି କାହାକୁ କେବେ ନ ଛୁଇଁ,

ଦୁହିଁଙ୍କର ଲୁହ ଝରେ ଏକାସାଥେ ଦୁଃଖ ବେଦନାକୁ ସହି |

ଦୁହେଁ ପତା ଖୋଲି ଦେଖନ୍ତି ଜିନିଷ ଭଲ ଭାବରେ ନିରେଖି,

ଦୁଇଜଣ ମିଶି ନିଷ୍ପତି ନିଅନ୍ତି ଭଲ-ମନ୍ଦକୁ ପରଖି |

ଦୁଇସାଥୀ ପୁଣି ଡୋଳାକୁ ବୁଲାନ୍ତି ଗୋଟିଏ ଦିଗକୁ ଗତି,

ଦୁହେଁ ମିଶି ପତା ଖୋଲିଦେଲେ ଦିନ, ବୁଜିଦେଲେ ହୁଏ ରାତି | 

ଜଣେସାଥୀ ଯଦି ସଂକ୍ରମିତ ହୁଏ ଆଉଜଣେ କଷ୍ଟ ପାଏ,

ରାଗିଲେ ମଣିଷ ଦୁଇସାଥୀଙ୍କର ଡୋଳା ନାଲି ହୋଇଯାଏ |

ଆଖି କହେ ଭାଇ ! ଆମପରି ସାଥି ଖୋଜି ରଖ ଜୀବନରେ,

ନଦେଖି ନଛୁଇଁ ଅନ୍ତରଙ୍ଗ ହେଇ ଭଲସାଥୀ ହୋଇପାରେ |