" ପ୍ରିୟତମା "

ତୁମେ ବିରହୀ ନଦୀର ଢେଉ

ବାଲୁକା ଶଯ୍ୟାଟେ ମୁଁ ,

ତୁମେ ଉତ୍ତାଳ ଢେଉର ସ୍ଵନ

ସ୍ପନ୍ଦନେ ଶୁଣୁଛି ମୁଁ ।

ତୁମେ ସ୍ଵାକ୍ଷର ପ୍ରେମର ଲିପି

କାଗଜ ଫର୍ଦ୍ଦଟେ ମୁଁ ,

ତୁମେ ହୃଦୟ ଲିପିର ଭାଷା

ସାଇତି ରଖିଛି ମୁଁ ।

ତୁମେ କଳ୍ପିତ ସ୍ଵପ୍ନର ଛବି

ଉନ୍ମୁକ୍ତ ଆଖିଟେ ମୁଁ ,

ତୁମେ ମଧୁର ଛବିର ରୂପ

ନିଇତି ଦେଖୁଛି ମୁଁ ।

ତୁମେ ଅମ୍ବର କୋଳରେ ଜହ୍ନ

ବିମୁଗ୍ଧ ମନଟେ ମୁଁ ,

ତୁମେ ଅଧିର ଜହ୍ନର ଜ୍ୟୋସ୍ନା

ସାଉଁଟି ଧରିଛି ମୁଁ ।

ତୁମେ ମୁକ୍ତ ବିହଙ୍ଗମାଟିଏ

ପ୍ରେମର ବ୍ଯାଧଟେ ମୁଁ ,

ତୁମେ ସ୍ଵାଧୀନ ଭାବ ପଞ୍ଜର

ଆବେଗେ ଚାହିଁଛି ମୁଁ ।

ତୁମେ ନାୟିକା ଭର୍ତ୍ତୁକାଟିଏ

ପ୍ରାପ୍ତ୍ଯାଶା ନାୟକ ମୁଁ ,

ତୁମେ ମନର ବର୍ଣ୍ଣ ମାଧୁରୀ

ମୁଖରିତ ହୁଏ ମୁଁ ।