ପ୍ରିୟତମା

(୨) ପ୍ରିୟତମା

ଦେଖାରେ ହୁଏ ସେ ଅନୁରାଗ ପୁଣି ବଢ଼ି ହୋଇଯାଏ ପ୍ରେମ,    

ପ୍ରେମ ବଢ଼ିହୁଏ ଜୀବନ ସଙ୍ଗିନୀ ପ୍ରିୟତମା ତାର ନାମ |୧|            

ସୁଖରେ ଦୁଃଖରେ ସହଭାଗୀ ହୁଏ ହୃଦୟ ଭିତର କଥା,

ଯାହାର ସାଥିରେ ବିତରଣ କଲେ ହରିନିଏ ସବୁ ବ୍ୟଥା |୨|            

ସିଏ ପ୍ରିୟତମା କହିବା ଆଗରୁ ବୁଝିନିଏ ଯିଏ ଭାଷା,          

ଆଖି କହିଦିଏ ନୀରବ ଭାଷାକୁ ବାଢ଼ିଦିଏ ଅଭିଳାଷା |୩|    

(୨) ପ୍ରିୟତମା   

ଛଟକି ପ୍ରେମିକା ଭୁଲେଇ ଭାଲେଇ ବନିଯାଏ ପ୍ରିୟତମା,

କେତେବେଳେ ପୁଣି ଚୁଟି କାଟିଦିଏ ଅଭିନୟ ଅନୁପମା |୧|             

ପ୍ରିୟତମା ନାମେ କଳଙ୍କ ପସରା ସମାଜର ଅଭିଶାପ,    

ନିଜ ପରିବାର ଚୂଲିକୁ ପୂରେଇ କହିଥାଏ ନୂଆ ଗପ |୨|     

ପ୍ରିୟତମା ସିନା ନାମକୁ ମାତର ଅପ୍ରିୟର କାରନାମା,   

ସ୍ବାର୍ଥକୁ ସରଗ ମାନିଥାଏ ସିଏ ସର୍ପ ତୁଲ୍ୟ ପ୍ରିୟତମା |୩|    

(୩) ପ୍ରିୟତମା

ପ୍ରିୟ ଭାବୁଥାଏ ପ୍ରିୟତମା ବୋଲି ସିଏ କା'ର ପ୍ରିୟତମା,      

ଚପଳା ଚମକ ଆଖିରେ ତାହାର ମାନେ ନାହିଁ ପରିସୀମା |୧|       

ପ୍ରିୟତମା ପାଖେ ନିଜକୁ ଲୁଚାଇ ଚାଲିଯାଏ ପ୍ରିୟା ଘର,     

ମିଛିମିଛିକା ଏ ସଂପର୍କର ସେତୁ ସବୁ ଲାଗେ ତାକୁ ପର |୨|    

ମିଛ ପାହାଡ଼ର ଶିଖରରେ ବସି ହିସାବ ପାରୁନି କରି,   

କିଏ ତ କାହାର ପ୍ରିୟ ପ୍ରିୟତମା ମିଛ ମାୟା ଯାଏ ଭରି |୩|  

ପ୍ରିୟତମା ଏଠି ଚିହ୍ନିବାକୁ ହେବ ଅସଲ ମୁକୁତା କିଏ ,    

କଷଟି ପଥର ଘଷିଦେଲେ ପରା ଫୁଟି ଉଠେ ପ୍ରିୟା ସିଏ |