ପ୍ରିୟା

ବୟସର ପୂର୍ବାହ୍ନରେ 

    ଉପନୀତ ହୋଇ ।

ଖୋଜି ବୁଲୁଥିଲି ପ୍ରିୟା

   ପ୍ରେମିକଟି ପାଇଁ ।।

ଭାଗ୍ୟ ବଳେ ଦେଖା ହେଲା

   ସାଥିରେ ତୁମର ।

ମିଠା କଥା କହି ମନ

   କିଣିନେଲ ମୋର ।।

ଗୋଲାପୀ ଓଠରେ ଯେବେ

   ତୁମେ ଦେଲ ହସି ।

ସେତେବେଳେ ତୁମ ପ୍ରେମେ

   ଗଲି ମୁହିଁ ଫସି ।।

ଗୋରା ଗୋରା ଗାଲେ ତୁମ

   କୁଞ୍ଚନ ଯେ ଥାଏ ।

ହସି ଦେଲେ ତୁମେ ତାହା

   ଅତି ଶୋଭା ପାଏ ।।

କଳା କଳା ପ୍ରିୟା ତୁମ

   ଲମ୍ବା ଘନ କେଶ ।

ଖେଳାଏ ତରଙ୍ଗ ହୃଦେ

    ଥାଇ ତୁମ ପାଶ ।।

ନୟନ ଯୁଗଳ ତୁମ

   କାଚ ବାଟି ସତେ ।

ନସିକାଟା ଶୋଭା ପାଏ

   ରହି ତୋ'ର ମୁଖେ ।।

ପତଳା ଅଣ୍ଟାକୁ ତୋର 

   ତନୁ ମାନେ ଭାରି ।

ଦେଖିକରି ଖୁସି ହୁଏ

   ମନ ପ୍ରିୟା ମୋ'ରି ।।