ପ୍ରିୟା-୪୬
ପ୍ରିୟା-୪୬
ଜହ୍ନରେ ଦେଖିନି କେବେ ତୁମ ମୁହଁ
ବନରେ ଦେଖିନି ତୁମକୁ
ଘନରେ ଦେଖିନି କେବେ ତୁମ ରୂପ
ମନରେ ରଖିଛି ତୁମକୁ ।
ମୁଁ ତୁମକୁ ଏତେ ଭଲ ପାଏ ବୋଲି
କହି ନାହିଁ କେବେ କାହାକୁ
ତମେ ମୋତେ କେତେ ଭଲ ପାଅ ହାଏ
ପଚାରି ବି ନାହିଁ ମନକୁ
ଏତିକି ଜାଣିଛି ତୁମେ ମୋ ପାଇଁ
ଝୁରୁ ଥିବ କାଳ କାଳକୁ ।
ଦିନରେ ଦେଖିନି କେବେ ତୁମ ଛାଇ
ରାତିରେ ଖୋଜିନି ତୁମକୁ
ସ୍ବପ୍ନରେ ଦେଖିନି କେବେ ତୁମ ଛବି
ଛାତିରେ ରଖିଛି ତୁମକୁ ।
ମନ କଥା ଖୋଲି କହି ନାହିଁ କେବେ
ଚିଠିଟେ ଲେଖିନି ତୁମକୁ
ତମେ ବି ତ କେବେ କହି ନାହଁ କିଛି
ଡରି ଡରି ଲୋକବାଦ କୁ ।
ମନର ଦହନ ମନରେ ଗୋପନ
ନିଜେ ମୁ୍ଁ ବୁଝାଏ ନିଜକୁ
ଗୀତରେ ଲେଖିନି କେବେ ତୁମ ନାଆଁ
ସ୍ବର ରେ ତୋଳିନି ତୁମକୁ ।
ତୂଳୀରେ ଆଙ୍କିନି ତୁମ ଛବି କେବେ
ଆଖିରେ ରଖିଛି ତୁମକୁ
ପ୍ରିୟା ପ୍ରିୟା
କୁହ, ପାଇବି କି ନାହିଁ ତୁମକୁ ?
ପ୍ରିୟା। ।