ପ୍ରିୟ

କାଗଜର ଅଲେଖା ଲେଖାରେ ମୁଁ

ତୁମକୁ ଦେଖି ପାରେ 

ସପନର ଅଲିଭା ଅଧା ଅଧରରେ

କଳ୍ପନା କରିପାରେ ତୁମକୁ ।

ଅବିଶ୍ୱାସ ର ନିଶ୍ୱତା ଭିତରେ 

ତୁମକୁ ମୁଁ ବିଶ୍ୱାସ କରିପାରେ 

ସନ୍ଦେହ ର ଧଳା କୁହୁଡ଼ିରେ

ନିଃସନ୍ଦେହ ରେ ତୁମ ସହ ଘୁରିପାରେ ।

ହୃଦୟ ର ସ୍ପନ୍ଦନ ରେ ମୁଁ

ଶୁଣିପାରେ ଖାଲି ତୁମକୁ 

ହେଲେ ଦେଖିପାରେନି 

ବାସ୍ତବତା ଭିତରେ ।

ସୂର୍ଯ୍ୟ ଙ୍କ ପହିଲି କିରଣ ଆଉ ଶେଷ

କିରଣ ର ମାଳା ଯେବେ ମୋ ପାଖକୁ

ଲମ୍ବି ଆସେ ,ସେବେ ମୁଁ ଅନୁଭବ କରିପାରେ

ତୁମର ହସର ତୀବ୍ରତାକୁ ।

ଶବ୍ଦ ହୀନ ସେ ସ୍ମିତ ହାସ୍ୟ

ଗୋଲାପି ରଙ୍ଗ ବିଞ୍ଚି କଣ ଗୋଟେ

କହିଯାଏ ନୀରବରେ 

ହେଲେ ସେ ସବୁ ଯେ ଶୁଣିପାରେନି ମୁଁ ।

ବର୍ଷା ର ଶୀତଳ ନୃତ୍ୟରେ 

ଟୋପା ପଡିବାର ଛନ୍ଦ ରେ

ଗୀତ ଟିଏ ଆସି ଆଖି ଆଗରେ 

ତ ଆଉ କେବେ ପାଖରେ ବସି ହସି ଦିଏ ।

ହେଲେ କେବେ ଛୁଇଁ ପାରେନି ସେ

ସୁନ୍ଦର ମଣିଷଟିକୁ 

ଏହା ମୋର କଳ୍ପନା ନୁହେଁ ତ ।

ନା ନା ଏହା ବାସ୍ତବତା 

କେବେ ସେଇ ରୂପ ଯେ 

ବାସ୍ତବ ରୂପ ନେଇ ଆସିପାରେ

ବିଶ୍ୱାସ ଅଛି ।

Name - Archana Sahoo
A.t - Khajuria pada
Post- Narisho
Dist - Khordha 
State - Odisha 
P.s - Balipatana 
Pin code- 752103 

Via- Niali