ପ୍ରିୟ ବନ୍ଧୁ
ପ୍ରିୟ ବନ୍ଧୁ
କବି ବନ୍ଧୁ! ଆହେ ପ୍ରିୟ ବନ୍ଧୁ!
କୁରେଇ ପତ୍ରର ଚିଠି ଡାକର,
ପତ୍ରରେ ପତ୍ରରେ ଲେଖା-
'ହେ ବୃକ୍ଷ,ହେ ପଲ୍ଲବ,ହେ ସଖା !'
ଆପଣଙ୍କୁ ପ୍ରେରିତ ଶୁଭ ସମାଚାର ।
ନକର ନକର ହେ ବନ୍ଧୁ!
ଅନ୍ୟଥା ଅପ ପ୍ରଚାର ।
ମୋ ପ୍ରିୟବନ୍ଧୁର ନାମେ ଅତ୍ୟାଚାର,
'ବୃକ୍ଷ ହିଁ ଜୀବନ' ନକର ଛାରଖାର।
ସବୁଜ ପତ୍ର ସବୁଜ ସଙ୍କେତ,
ସବୁଜ ପୃଥିବୀ ଅଙ୍ଗେ ରଚିତ ।
ବୃକ୍ଷଲତା ଆମ ଅନ୍ତରଙ୍ଗ ସଙ୍ଗାତ,
ମଧୁପ ବଜାଏ ବନ୍ଧୁ ବୀଣା ସଙ୍ଗୀତ।
ବସିବ ଏ ମଧୁଲଗ୍ନେ,
ମାନବ ବୃକ୍ଷ ସଙ୍ଗେ ମିତ,
ବନ୍ଧୁ ପାଇଁ ବନ୍ଧୁ କରେ ହିତ ।
ନିବିଡ ସମ୍ପର୍କ ଡୋରେ ଜଡିତ-
'ପ୍ରକୃତି ଓ ପୁରୁଷ' କାହାଣୀ ଏମନ୍ତ।
ଦାରୁବ୍ରହ୍ମ ନିର୍ମିତ ଘଟ ଜଗନ୍ନାଥ
ବୃକ୍ଷରୁ ହିଁ ବ୍ରହ୍ମ ଗଢା ତ,
ବୃକ୍ଷ ପରି ପ୍ରିୟ ବନ୍ଧୁ,
ଏ ଜଗତେ ନାହିଁ ନାହିଁ ତ !
ଏ ବିଶ୍ୱ ଭୂବନେ ସକଳ ବିଦିତ
କାହ୍ନୁ ସୁଦାମାର ପ୍ରିୟ ସଙ୍ଗାତ,
କୃଷ୍ଣ ଅର୍ଜୁନଙ୍କ ପ୍ରିୟ ବନ୍ଧୁତ୍ବ।