ପ୍ରୀତିଫୁଲ
ପ୍ରୀତିଫୁଲ
1 min
229
ତୁମେ ପରା ସେଇ ପ୍ରୀତି କୁଞ୍ଜବନ
ମହୁଲି ମହୁଲି ନିଶା
ତୁମେ ବସନ୍ତର ଆମ୍ର କାନନେ
କୋଇଲି କଣ୍ଠର ଭାଷା
ନିମିଷକେ ତୁମେ ଗଢି ଦେଇପାର
ପ୍ରୀତିର ନନ୍ଦନ ବନ
ଭାଙ୍ଗି ଦେଇପାର କେତେଯେ ହୃଦୟ
ଭାଙ୍ଗିପାର ଅଭିମାନ
ତୁମପାଇଁ ଝୁରେ କେତେ ଯେ ପରାଣ
ଖୋଜେ ପ୍ରୀତିଭରା ସ୍ୱର
ତୁମେ କିନ୍ତୁ ଆଜି ନିର୍ବିକାର ଚିତ୍ତେ
ପିଆଲାକୁ ମୋର ଭର
ତୁମ ରଙ୍ଗବୋଳା ଅଧରକୁ ଯେବେ
ରଙ୍ଗୀନ ମଦିରା ଛୁଏଁ
ଚତୁର୍ଦ୍ଦିଗେ ଖେଳେ ରଙ୍ଗର ଭଉଁରୀ
ପ୍ରୀତି ଫୁଲ ଫୁଟିଯାଏ