ଲାଇବ୍ରେରୀ
ପ୍ରୋଫାଇଲ୍
ବିଚ୍ଛେଦ
ବିଚ୍ଛେଦ
1 min
132
ଗାନ୍ଧୀଙ୍କ ବିଚ୍ଛେଦ ପରେ
ମାଙ୍କଡ଼ ତିନିଟା ଅନ୍ତର୍ଦାହ ଭିତରେ
କିଏ ଆଉ ମାନୁଛି କି ନାହିଁ
ଖରାପ କଥା ଦେଖିବାନି, ଶୁଣିବାନି କହିବାନି
ଅନ୍ତର୍ମନ ସ୍ୱରେ, ଦେଖିଯାଅ ଆସି ବପୁ ଥରେ
ନୀରବି ଯାଇଛି ତୁମ ଘଡି ତୁମ ବିଛେଦରେ
ସମୟନିବର୍ତ୍ତୀ ହେବା ଉଚିତ ବେଭାରେ
ଆନ୍ତରିକତା ଅଛି କି ନା କାରେ? ଦେଖିଯାଅ ଥରେ
ଚଷମାର ଧୂଳି ଆସ୍ତରଣ ପୋଛି ମ୍ୟୁଜିଅମରେ
କିଏ ସେ ଅନ୍ତଦୃଷ୍ଟି ମାପିଛି କି ପାରେ?
ପଥ ଓ ପାଥେୟ ବଁକୁଲି ବାଡ଼ି ଆଜି ବିଚ୍ଛେଦ ଭିତରେ
ହିଂସା ପାଇଁ ବ୍ୟବହୃତ ହୁଏ ବଂଶଧରେ
ତ ଫେରିଆସି ଦେଖିଯାଅ ନା ବପୁ ଥରେ
ସେ ଚରଖା ସାବରମତୀରେ
ଅଚଳ ଆକୁଳ ବିକଳେ
ଦେଖିଶୁଣି ହୁଏ ଖାଲି ଡହଳ ବିକଳେ
କହୁଛି ଫେରିଆସ ଜନନାୟକ ସମୟ ଶ୍ରୋତରେ
ବିଚ୍ଛେଦରେ ତୁମ ନୀତି ଭୁଲୁଣ୍ଠିତ ଶାଣିତ
ହୃଦୟେ କିଏ କରାଘାତ କରେ ବାରେ ବାରେ
ଫେରିଆସି ଦିଅ ଦୀକ୍ଷା ଯୁଗପଯୋଗୀ ନିଷ୍ଠାରେ
ବିଚ୍ଛେଦ ତୁମର ଆଜି ଧୂଳିସାତ କି ନା
ଦେଖିଯାଅ, ଥରେ ବାରେ l
